كنت اول مره احاول اعرض فكرة ‘ينفع’ في عرض كان المفروض انه العرض يتم في ٣ دقايق
قعدت اول دقيقة ونص بتكلم عن انا ليه بعمل دا فالبنت قاطعتني وقالتلي عدى دقيقة ونص وانت لسه ما اتكلمتش عن البروداكت نفسه على فكرة!
قولتلها ما انا عارف ثواني… وكملت عادي وقبل ال ٣ دقايق كنت مخلص ورفضوني طبعا مع احساس اني ضيعت وقتهم – او وقتي.-.
انا مشيت ساعتها وانا ناوي اني مش هحكي عن ينفع تاني ومش هحاول فأي حاجة غير اني اطلع البروداكت دا. ولا هحاول اخد فاند ولا هروح اقول الفكرة لمئات الاشخاص علشان حد فيهم يوافق. هحط طاقتي كلها في حاجة واحدة وهي ان دا يطلع للنور.
البروداكت طلع الحمد لله بفضل الله وبفضل الناس اللي وثقت فيا والناس اللي اشتغلوا عليه بكل حب.
ولما بقعد مع اي حد دلوقتي بساله عايز احكيلك عن البروداكت ولا اقولك من الاول
بيتقالي دايما احكيلنا من الاول خالص، وقولنا انت ليه عملت دا وليه عملته كده.
tl;dr
كله هيقولك عملت ايه، لحد ما تعمل فعلا… ساعتها بس هيسألوك عملت ليه.