المدونة بدأت في ٢٠١٣ بفكرة كتابة عن الحاجات اللي بحبها وبفكر فيها، ومع الوقت بدأت اضيف ليها فكرة تجميع كل الافكار والكلام اللي كان بيعجبني اونلاين.
في الاول كنت بختفظ باللينكات اللي تعجبني، لكن وبسبب ان اللينكات كانت بعد فترة بتوقف (نتيجة تغير في اللينك او صاحب البروفيل يقفل البروفيل، او اي سبب تاني) فكنت باخد الكلام كوبي بيست هنا.
و لاني مكنتش ناوي انشر الكلام ده بشكل عام، وكنت بجمعه ليا علشان منساش، مهتمتش في الاول بموضوع نسب المقالة لأصحابها، ولكن مع الوقت ابتديت احط لينك المصدر في اخر كل مقالة.
فالكلام اللي مكتوب هنا ٩٠٪ منه كلام ناس مش كلامي انا.
وبعتذر لو قريت كلامك/كلام لشخص انت عارفه مكتوب من غير مصدر أشارة ليه.
وخد راحتك في انك تاخد اي كلام كوبي من هنا بدون ذكر المصدر.
انا بشكل شخصي مش شرط (حاليا) اكون مقتنع بكل الكلام اللي مكتوب هنا في المدونة، بس انا جمعت كل الحاجات اللي كانت بتعجبني وقتها، ومكنش عندي وقت اراجع كل الحاجات واغير الحاجات اللي اتغيرت نظرتي ليها… وحتي بعض الحاجات اللي نظرتي اتغيرت ليها سيبتها هنا لاني مقتنع ان عرض كل الاراء ((مش كلها اوي يعني)) هو الطريق الصح للوصول لاي نتيجة عن اقتناع، مش مجرد عرض منطقي الترتيب ويحتوي علي معلومات مغلوطة يهز ثقة الشخص بنفسه.
وبما أن – الموضوع – في الاخر وجهات نظر، فممكن اختلاف الاراء المكتوبة هنا تبقي مفيدة لشخص بيدور…
وكده كده مش هاتفرق مع الشخص اللي مقتنع بحاجة ومش بيفكر فيها ولا عنده اي احتمال ان وجهة نظره تطلع غلط.. فقشطة .
فانت مش محتاج تسمع كلام حد .. انت محتاج
تقرأ كتير
و تتعلم من دروس الماضى اللى بيتكرر .. محتاج تقرأ مش تسمع
محتاج تقرا بعقلك، مش تشوف وتسمع بودانك
استخدم فكرة (البحث) وأكتب اي حاجة بتفكر فيها، وممكن تلاقي بعض الحاجات اللي تساعدك علي فهمها مش حلها.