تخيل نفسك ماشي في طريق، الطريق ده في نهايته هدفك…
وانت ماشي لقيت طريق تاني شكله حلو، بيوزعو فيه هدايا فلقيت نفسك بتفكر، مانا لو مشيت في الطريق ده هاخد هدايا، والطريق متسفلت وجميل…. ولا تكمل في طريقك اللي اخره هدفك؟
دي اسمها فتنة
وانت ماشي لقيت حيوان مفترس في طريقك، تهرب منه وتسيب الطريق ولا تحاول تقاومه او تتجاوزه وتكمل؟
دي اسمها فتنة
وانت ماشي في الطريق لقيت مطعم جميل على جنب وفيه بيت شكله حلو… تقعد تبات وتاكل وتشرب وماتكملش ولا تكمل في طريقك؟
دي اسمها فتنة
الفتنة هي أي حاجة تخليك تفكر تسيب طريقك، سواء كانت حلوة أو وحشة، مغرية أو مؤذية…
واللي ربنا يوفقه هو اللي يعرف الفارق بين الفتنة والظروف العادية، ويتمسك بطريقه لحد ما يوصل لهدفه.