التصنيفات
مقالات الضيوف

هل رفع الاسعار احتكار وحرام؟

انت عارف – بسّ عامل عبيط

فيه ناس عاوزة تحرّم رفع الأسعار بحجّة إنّ الاحتكار حرام
ودي ناس لازم بردو تحاكم بتهمة الغباء السياسيّ

الاحتكار معناه منع نزول السلعة للسوق عشان سعرها يغلى يبقى إزّاي هتصنّف تاجر عارض سلعته في السوق أصلا على إنّه محتكر !!!

المحتكر مخزّن السلعة وخافيها عن حضرتك – يعني حضرتك مش هتشوف السلعة أصلا – لا غالية ولا رخيصة
لكن اللي عارض السلعة غالية فده لا يعتبر محتكر أصلا
فحضرتك عامل زيّ اللي بيحرّم بيع الخمور على واحد بيبيع عصير !!!

أمّا رفع السعر نفسه فما فيش فيه أيّ تحريم
الأسعار ارتفعت ذات مرّة على عهد الرسول صلّى الله عليه وسلّم
فطلب الصحابة رضوان الله عليهم من الرسول صلّى الله عليه وسلّم أن يضع سعرا جبريّا للمنتجات يلتزم به التجّار
فرفض رسول الله صلّى الله عليه وسلّم ذلك
وقال ( إنّ الله هو المسعّر )
يعني مش من حقّ حدّ يلزم التاجر بتسعير

بالمناسبة – الرسول صلّى الله عليه وسلّم قبل أن يكون رسولا – فقد كان تاجرا وده له دلالة كبيرة جدّا عندي في أمور كتير

الله سبحانه وتعالى لا يفعل شيئا عبثا – حاشا لله
وكون الرسول صلّى الله عليه وسلّم يكون تاجرا قبل أن يكون رسولا – فده له دلالة كبيرة جدّا – أفهم منها أنّ الإسلام أساسا هو دين بيزنس

الإسلام مستفيض جدّا في أمور البيزنس والبيع والشراء والتجارة والعقود
وده لإنّ حياة الناس بطبيعتها كده – كلّها بيزنس – والإسلام دين واقعيّ – عشان كده حجم الكلام عن البيزنس في الإسلام كبير جدّا
وقد يكون دا سبب في أنّ الله سبحانه وتعالى جعل الرسول صلّى الله عليه وسلّم تاجرا قبل أن يكون رسولا

وقبل ذلك كان راعيا للغنم عليه الصلاة والسلام – وهذا أيضا له دلالة في تعليمه عليه الصلاة والسلام الرحمة والرفق – وتعليمه أن يتخيّر لأمّته أفضل المنازل – كما كان يختار لغنمه أفضل أماكن الرعي
قال رسول الله صلّى الله عليه وسلّم ( ما بعث الله نبيّا إلّا رعى الغنم )

ما فيش تاجر هيرفع السعر كده من خياله
لو رفع السعر غير مبرّر الناس مش هتشتري
والتاجر مش مجنون عشان يرفع السعر فمبيعاته تقلّ

ولو التاجر رافع السعر بمزاجه – الناس هتسيبه وتروح لتاجر تاني عنده سعر أفضل لكن لو كلّ التجّار رافعين السعر – يبقى حضرتك شوف مين اللي كان السبب في رفع السعر عليهم وعليك
وانتا عارف – بسّ عامل عبيط

المصدر