اجتهد علي قد ما تقدر انك متوقفش، من اهم مبادئ الحياة اللي إتكررت كتير -بشكل عام – هو أنك متوقفش اللي بتعمله طالما صح أو مقتنع بيه أو لو – علي الأقل – مش مقتنع باللي عكسه أو معندكش بديل تعمله حاليا.فكرة “أدومها وإن قل” مبدأ عظيم لإنه في أغلب الأوقات بيؤدي لنتيجة من احتمالين: – يا بتعدي الموقف/المود الرخم اللي أنت فيه حاليا وبتستفاد من الموضوع/التجربة وبتتعلم فيها حاجات او بتقابل ناس بتفرق معاك.- يا بتبقي جاهز تروح/تتحرك/تشبط في أي حاجة معدية للبر التاني اللي بتحلم بيه، أو علي الاقل بتلاقي حد في الطريق يقولك ينفع تروح فين، او حتي هاتسمع ناس بتتكلم وتستنج أنت المفروض تعمل ايه.
دايما اجتهد و قاوم نفسك في أنك متوقفش..دي الحاجة الوحيدة الغلط.
مخلوق علشان تشكل فرق فالثبات بيضرك.