الكلمه الطيبه اللي بتتقال في موقف زعلت فيه،
الهزار الخفيف اللي بيتعمل عشان يخرجك من مود وحش،
سندة الكتف أو الحضن من حد بتحبه في وقت أزمة،
حتى عزومة (خد الفلوس دي بس خليها معاك حتى لو محتاجتهاش) لو كانت بمبلغ قليل،
التصرفات والأفعال اللي بتراضي القلب والخاطر غالبًا مبتكونش مكلفة، وتأثيرها بيكون عظيم على الطرف الآخر مهما كان اللي عنده،
لمجرد انها اتعملت عشان يحس بغلاوته وقيمته عند اللي قدامه،
وفي (((وقت))) هو كان محتاجها فيه،
العبرة مش كام ولا قد ايه ولا ازاي،
العبرة بإمتى ده اتعمل،
هل في عز الإحتياج ولا بعد ما كل حاجه خلصت خلاص ومبقاش لا الكلام ولا الفعل ليهم لازمة،
قريت مرة مقوله بتقول:
(في الأيام الجارحة،
كل المواقف: لفتات كريمة، حتى السؤال عن الحال).