من الحاجات اللي تطورت على مستوى تفكيري و شخصيتي من فترة إني قدرت أفرق بين مشكلتي و مشاكل الآخرين
و الموضوع دا مريحني جداً
يعني عملت حاجة حلوة و حد اتريق >> ( طالما واثقة من صحة الهدف و الطريقة خلاص دي مش مشكلتي دي مشكلته هو لأنه محدود الوعي
دعيت الى خير و أعرض الناس عنه .. بردو مش مشكلتي و مش مشكلتهم بردو .. هم أحرار .
تناقشت مع حد فتطاول علي .. مش مشكلتي و لا يعيـبني .. يعيبـه هو وحده ( بيعبر عن أخلاقه و تربيته ) .و هكذا و هكذا و هكذا
فعلا حاجة مريحة بس الواحد يكون صادق مع نفسه ..
و كتير كانت بتطلع مشكلتي فكنت بحتاج أغير فكرة أ أسلوب أو أي حاجة .. يعني في الحالتين مرتاحين و كسبانين نفسنا ..
عيب الآخرين هو عيبهم وحدهم