بعد زمن بيتأكد للواحد حقيقة تتمتع بصفات أي حقيقة الحقائق بسيطة و قابلة للنسيان بسهولة.
بداية كل كفر، وضلال، وكذب إنك تشتغل نفسك.
اهم حاجتين لازم كل شوية تفكر نفسك بيهم هي
١- انك لازم كل شوية تتعلم حاجة جديدة
٢-التعليم مش ببلاش
طرق الدفع في الاغلب بتبقي حاجة من ثلاثة:
١- وقت
٢- مجهود
٣- فلوس
لو عملنا استثناء لفكرة الموهبة وشيلناها من حسابتنا،
ممكن نوصل لحاجة من الحاجات دي
نظريا الفلوس اهم عامل
يعني لو معاك فلوس هاينفع تشتري علم
“وممكن تشتري معاه الشهادة”
اغلب الناس الاجنبية اللي في الشركات الكبيرة – من وجهة نظري – الموضوع بالنسبالهم كان:
٤٠ ٪ فلوس – ٤٠٪ مجهود – ٢٠٪ وقت
ودا بيفسرلي ان اغلب المديرين في اشهر الشركات سنهم صغير
وبالنسبة للناس في اشهر الشركات في مصر – من وجهة نظري المحدودة جدا – تقسيمتهم ممكن تبقي ٦٠٪ فلوس – ٢٥٪ مجهود – ٢٥٪ وقت
عمليا موضوع الفلوس ممكن يتعوض بزيادة نسبة الوقت والمجهود
فممكن تبقي:٥٠ ٪ مجهود – ٣٥ ٪ وقت – ١٥٪ فلوس …
ممكن تزيد او تقل بس دا وجهة نظري الشخصية
انا حسبت اكبر نسبة للمجهود مش للوقت ..ليه؟
لان فعليا في ناس بتقضي وقت كتييير جدا في انها تتعلم ..
بس دا مش بيمشيها غير بمعدل بطيييييييييء جدا
اغلب الناس بتستسلم قبل ما توصل لحاجة فيه
المجهود – من وجهة نظري – معناه شوية حاجات:
-انك متسألش حد مش متخصص في المجال اللي هتسأل فيه بس مشهور في مجال تاني لمجرد انه مشهور “وعارف”
-انك متسألش اسئلة عامة ..ابدا
اجتهد دايما انك تكون مفاهيم وتسأل فيها لان دا هيساعدك كتيييير – يبقي عندك مرونة كافية انك تغير الطريقة/الاسلوب/الاشخاص اللي اعتمدت عليهم في انك توصل للنتيجة اللي انت واقف عندها ..
لان كل مرحلة ليها متطلبتها
– متزعلش – فترة طويلة – علي اي “شخص” ميقدرش انك اتغيرت فشكل علاقتكم هايختلف عن الوضع الاول..
لان كل مرحلة ليها متطالبتها
– سمي الحاجات “بتسميتها الصح” لان اختلاط المفاهيم بيؤدي الي كوارث في الافعال
– متزعلش من كثرة تجاربك الفاشلة مهما كان عددها..
طالما مغلطش نفس الغلطات
– متنبهرش باي حد قال كذا معلومة صح ..او عمل اكتر من موقف مميز ورا بعض ..لاننا كل بشر وبنغلط .. لكن غلط المنبهر بتشوّه رؤيتك ليه وبتخليك ترفضه تماما ..ودا مش صح
– حاول تتعلم من كل موقف بتمر بيه .. سجله وارجع راجعه كل فترة
– اعترف بسرعة بالغلطات …وحاول تتطوع انك تدفع ثمنها لو قدرت وقتها بحيث تخلص منها ومترجلعهاش تاني
– متزعلش علي اي وقت “فات” ومتعلمتش فيه حاجة .. لانك مكنتش تعرف الموضوع بالشكل الصح
– اختار الاشخاص اللي هايبقوا حوليك صح ..لانهم “بنسبة كبيرة” تأثرهم عليك كبير
– دايما حاول تتعلم حاجة جديدة
لو قضيت وقت كبييير بدون مجهود مش هاتطلع حاجة او هاتطلع حاجات تأثيرها ضعيف جدا
اتعلم علشان تعيش ..
أما من يعيش ولا يزداد علما ..
فميت قبل أوان موته!