وانا بشتغل دايما ببص في الوقت من باب العلم بالشيء فقط وعلشان اعرف الحاجة دي كلفتني اد ايه – لان الوقت في الشغل فلوس – لكن الشغل نفسه مش مربوط بالوقت او بالمجهود اللي انا عملته، هي تاسك ولازم تخلص
اخدت دقيقة اخدت ساعه اخدت ايام… معاها لحد ما تخلص.
بقول الكلام دا علشان اوضحلك ان الوقت او المجهود اللي انت او انا بنعمله في اي حاجة مش مهم اطلاقا للناس، الناس مهتمة بس بالنتيجة.
انت لو قعدت ساعات او ايام طويلة بتعمل حاجة وطلعت وحشة الناس هتقولك وحشة.
الموضوع يبان قاسي شوية بس الحقيقة هو مش كده خالص علشان من المعروف انك لا يمكن هتعرف تعمل حاجة كويس غير لما تبذل فيها مجهود، والمجهود والتعب دا هو اللي بيخليك ” تعرف ” ازاي بتتعمل…
ولما بتعرف ازاي بتتعمل بتبقى بتبذل مجهود اقل ” بقى عندك خبرة ” وتطلع نتيجة احسن.
فأن الناس تحاسبك ع النتيجة مش المجهود المبذول دا هو الوضع الطبيعي للأمور! مش بس كده دا الوضع اللي في مصلحتك انت.
فمن فضلك بقى وانت بتعمل المجهود الكبير اللي في اول اي حاجة افتكر ان المجهود دا ” ليك ” مش للناس.
فاشتغل لنفسك. وماتطلبش من الناس انها تحاسبك على حاجة غير على النتيجة اللي انت طلعتها.