الزوج محتاج إيه من زوجته ؟
٥ حاجات بالترتيب
١ . البيت الهاديء
٢ . الأكل
٣ . الجنس
٤ . الفرفشة
٥ . النقاش
.
الحاجات دي مش مطلوبة كلها بالتساوي
ولا مطلوبة كلها بشكل كامل
يعني
البند الأخير بتاع النقاش ده ممكن تلغيه تماما،
مش لازم تكون معاك عباس العقاد في البيت يعني
البند قبل الأخير (الفرفشة) ده مطلوب بشكل قليل
مش مطلوب منها تكون أراجوز في البيت يعني
يكفيك جدا إنك لما تهزر معاها.. هيا تضحك
لو هيا ردت على الهزار بهزار.. حلو قوي
إنما لو هيا اللى بتبدأ الهزار.. فانتا ملك
نجيب البنود من فوق بقى
بند البيت الهاديء ده مطلوب بنسبة ١٠٠ ٪
وطول الوقت
دا مش مسموح ليكي فيه بأي تقصير
البند التاني (الأكل) مطلوب يوم ويوم مثلا يومين ويوم
مش لازم تعمل لك أكل مبهر كل يوم
ولا انتا تستحمل تكاليفه
بند الجنس حسب قدم الزواج
لكن حاولوا ما تقللوهوش عن مرة في الأسبوع
حتى لو متجوزين من زمان
لإنه عامل مساعد جدا في الألفة والود بين الزوج والزوجة.
باكتب البوست ده ليه ؟!
باكتب البوست ده للى متضايق من مراته . ومش عارف هوا متضايق ليه
بقول لك
لو هيا بتقدم لك ال ٥ حاجات دول، بالنسب دي،
فانتا مش من حقك تتضايق منها
خليك راجل عاقل وعادل
وبقول لك ضيقتك دي من الشيطان مش أكتر
فاستعذ بالله سبحانه وتعالى من الشيطان الرجيم
وبردو يبقى معيار للزوجة تقدر بيه تقيس هيا بتعمل اللي عليها ولا مقصرة بنسبة كام لكام