إدعاءك إنك بلا إي إحتياجات

في جملة بتقول :
acting like you don’t have needs is a trauma response
إدعاءك إنك بلا إي إحتياجات ، ممكن يكون نابع من مرورك بصدمة ما ..

في مقالة مهمة جدا جدا بعنوان
21 Common Reactions to Trauma
بيقول Seth J. Gillihan
ان البشر بتتعامل مع الصدمات بردود افعال مختلفة
و اللي من أهم ردود الافعال ديه هو ( فقدان الثقة في الاخرين ) ،
و اللي طبعا عشان الانسان يعرف يثبت القناعة الجديدة عليه ديه في إدراكه ،
بيبتدي يقنع نفسه انه مش محتاج حاجة من حد ، انه قوي لوحده !! ..
فإحتياجه لاي شخص بيعكس مدي ضعفه و بيخليه يقع في مشاكل و صدمات ..
و من هنا يبدأ يقمع و يكبت اي احتياج جواه سواء بقي emotional ( عاطفية ) او psychological ( نفسية ) ..
و اللي طبعا بيخلق كائن مشوه مش قادر يخلق اي تواصل طبيعي مع البشر او حتي مع نفسه ..

الموضوع عامل زي واحد كان جعان راح يجرب أكل من مطعم معين ،
لحظه السيء او لعدم تركيزه في اختياره ده – بحكم طبيعته الانسانية – طلع الأكل مش كويس …
فبدل ما ياخد الموضوع بشكل سلس و يتعلم من الغلطة ديه ، لا ده اتأثر جامد جدااا ..
ازاي هو الـ perfectionist اللي مش بيغلط في ولا حاجة ، يمر بتجربة فشل زي كدة !!؟
ازاي وقته و مجهوده و فلوسه يضيعوا في الهوا كدة ؟!! … لاااا ، ده لا يمكن يتكرر الموضوع ده تاني !!
شوف لي يا ابني ايه اللي خلاني من الأول اروح المطعم السيء ده ؟! .. جوعي ؟! حاجتي للأكل !؟؟! تمام ….
طب مفيش حاجة للأكل تاني !!

ففكرة انسان بلا إحتياجات نفسية او عاطفية فكرة غير سوية ،
فمش من الطبيعي او الحكمة ان الانسان يكون غير محتاج لمشاعر او بشر ،
إنما الحكمة الحقيقية هو التعامل الناضج مع الاحتياجات ديه ..
فمش معني ان الحاجة خانته مره انه ينكر وجودها ،
إنما يروضها بعقله و يتعايش مع حتمية وجودها بعزة و إتزان ..

فإدعاء الانسان انه مش محتاج اي حد في حياته او اي مشاعر إنسانية بيعكس جواه إحتياج عنيف و دفين تجاه الحاجة ديه ،،
ممكن بشكل غير مباشر يأثر علي سلوكه و نفسيته ،
فهو من برا صامد بيقاوم طبيعته بقسوته و عناده ، بس من جوا هو بيتأكل .. الجوع بينهش في روحه و كيانه .. بيزعق و بيرفض بشراسة اي إحتياج .. بس في اعماقه فيه طفل صغير بيستجدي اي شفقة او إحتواء ..

المصدر