في اسطورة متداولة كده ان اعلى نسب انتحار في العالم هي دول السويد وفنلندا والنرويج،
عشان الحياة عندهم سهلة ومفيهاش مشاكل فالناس بتنتحر من الزهق.
الحقيقة مش عارف مين اللي طلع بالمعلومة الجهبذية دي وجابها من انهي حته بالظبط في جسمه،
بس هي امتداد لأسطورة الفقير السعيد والغني الحزين اللي غالباً طلعها الرومان الأغنيا من آلاف السنين عشان يسلموا من بطش الجياع، وانا الصراحة زهقت من اني الاقي واحد كل شوية بيتكلم بمنتهى الثقة واليقين عن أد ايه الناس في السويد بينتحروا من كتر ما حياتهم حلوة.
والله يا جماعة اعلى نسب انتحار موجودة في غويانا وسريلانكا في كل الاحصائيات الموجودة،
ومفيش دولة من سكندنافيا في اعلى تلاتين دولة اصلاً..
مفيش حد بينتحر عشان حياته حلوة،
ومفيش سبب يخلينا ممتنين اننا مش عايشين في بلد انضف واحسن وبتحترم انسانيتنا وبتوفر لنا سبل الحياة والرفاهية..
ابقى اسمع بقى حد بيتكلم عن نسب الانتحار في السويد والدنمارك والفلمنك، والنعمة لانسل الشبشب على دماغه