ليه ناس كتيره ما شاء الله عايزه الستر لعمرو وردة ، لا هم يعرفوه ولا يهمهم وبينهم وبين نفسهم بيشتموه وبيقولوا عليه عيل وسخ ، هم عايزين الستر للنظام الاجتماعى وعايزين الستر للتناقضات اللى هم بيمارسوها ، زى بالظبط ماهم مش عايزين الستر لواحدة ست بتعمل شيئ مشابه ولو من بعيد لأن النظام الاجتماعى مهمته أنه ينكل بيها عشان ده حق حصرى لوردة وللى عايزين الستر ليه ، الستر هنا معناه التعريص ، وعدم وجود محاسبة لأى شيئ ، نفس منطق الستر اللى اتعمل بعد الثورة على نظام مبارك واللى كان فيه تيار واسع شايف انه عفى الله عما سلف وده لأنهم ببساطة كانوا جزء منه بشكل أو بأخر ، الستر هو اللى أنتج ايه اللى وداها هناك والستر هو اللى مخلى مفهوم النضافة هو انك تحط التراب تحت السجادة وانت بتكنس ، الستر هو انك تقدر تكمل حياتك بكل تناقضاتها الأخلاقية الفجة اللى بتعذب ضميرك فتتحول تدريجيا الى شخص فى غالبية وقته زى الخنزير حلوف خامل وفى لحظة غضبك تبقى ذئب وضبع متوحش وغادر.
https://www.facebook.com/mohamed.naeem.14811/posts/10161892566875481