المجرم هو اللى قالك امشي فى الطريق ده بقلب جامد والطريق ممهد وسوق على 180 ومفيش حاجه توقفك … وهو عمره ما مشى على الطريق ده ولا جربه؟
ولا المجرم هو اللى قالك اوعى تمشي على الطريق ده لانه مليان مطبات وحفر وبلاوي … وهو عمره ما مشى على الطريق ده ولا جربه؟
ولا المجرم هو اللى شايفك رايح الطريق ده ومحاولش يحذرك من الحفر والمطبات اللى فيه اللى هو عارفها ومجربها؟
ولا المجرم هو اللى عرض عليك وقالك واقنعك انك تمشي فى الطريق ده بقلب جامد والطريق ممهد وسوق على 180 ومفيش حاجه توقفك … وهو جرب الطريق ده قبل كده ومشى عليه وعارف انه مليان مطبات وحفر
تسيب انت بقى كل دول وتعيب على الشخص اللى مشى فى الطريق ده ولبس كام مطب وحفره وبيقولك خد بالك منهم …
وتقول عليه بيحبطك وبيأخرك ومش عايزك تمشي فى الطريق
يا عم اعتبره قالك عند الكيلو كذا فيه حفره … امشي انت فى طريقك عادي وعند الحته دي هدي سرعتك وخد بالك … لقيت الحفره يبقى كتر خيره … ملقتش يبقى انت برضه عملت اللى عليك واخدت بالاسباب
مش كده ولا ايه ؟