هو انا مش متخصص في مجال الـ HR بس بقالي كام يوم بعين ناس معايا في team و لناس اصدقائي في شركاتهم – بشوف جزء التكنيكال معاهم
ففي كام نقطة لاحظتهم بالنسبة للتقديم علي الشغل
“خاصة من خلال مواقع التوظيف”
– في نقص شديييد فشخ في جزء الناس الـ Qualified .. فاغلب الشركات او حتي الـ Start-up المحترمة معندهاش مشكلة تدفع الرقم اللي هاتطلبه طالما انت فعلا Qualified… بس اثبتلهم دا بـ Portfolio/ Case Studies / Reports
– انا عارف ان دا مش العادي …بس فعلا لو بصيت للموضوع من وجهة الشخص الـ recruiter هتلاقي فعلا ناس كتيييييير فشخ مقدمة علي نفس الوظيفة والفروقات تكون معدومة بينهم وفي ناس من اللي مقدمة “هي اللي طالبة” ١٥٠٠ او ٢٠٠٠
فالموضوع ان الناس اللي بتشتغل في نفس “المجال” هي اللي بترخص سعر بعض
– لما شركة تنزل اكثر من وظيفة او لو هاتقدم مع شركة توظيف كبيرة من خلال اغلب مواقع التوظيف المحترمة زي وظف او لينكيدان او اي موقع تاني …لو قدمت عليهم كلهم …فحاليا المواقع بتعرض للشخص اللي اعلن عن الوظيفة انك مقدم علي اكثر من حاجة فـ في الاغلب هاتترفض بمجرد ما بيشوفوا انك مقدم علي اكثر من حاجة – لانهم هايعتبروا انك بتقدم وخلاص – خاصة لو في اختلافات بين الوظائف
– حاول تبقي بتكتب/بتنشر باستمرار علي Linkedin Publisher لو معندكش موقع خاص بيك او سجل كل نجاح او حاجة بتحققها وارفعها في Presentation علي Slideshare …”ايا كان مجالك ايه”.. الموضوع ده فرق مع ناس كتييير فعلا
– لازم يكون معاك لغة قوية – في ناس فعلا بتشتغل حاليا انها يبقي معاها اكثر من لغة – دا بيساعد في فكرة انك متوسط في الجزء التكنيكال بس لغتك/لغاتك بتتحسبلك كميزة اضافية
– لما حد يكلمك و “يأكد” معاك الانترفيو ومترحش ومتعتذرش حتي دي حركة زبالة جدا..والدنيا كلها اوضة وصالة ..فهاتتعرف بالشكل ده ومحدش هايعبرك بعد كده حتي لو كنت شاطر “فشخ” في مجالك
– لو هاتقدم علي شغل و هاتعرض الـ Profiles بتاعتك علي اكثر من موقع ..لازم تتأكد انك كتبت كل الداتا في الموقعين …ويكونوا متطابقين خاصة لو بتشتغل في اي مجال متعلق بالاونلاين
– الناس اللي بتشتغل FB Ads… فكرة انك تعمل highlight لموضوع انك صرفت ١٠ جنيه في اليوم لفترة او ٣٠ دولار في الشهر مش ميزة اطلاقا حاليا..وفي وجهة نظر بعض الناس سبب اساسي لل rejection لانه مش هاينفع يعتمد عليك لو البادجت بتاعته كبيرة، في دبي مثلا احد الاسئلة بيسألك انت اكبر بادجت اشتغلت عليها كام..فحاول تخلي كلامك دايما عن النسب زي انك تقول حققت ROI رقم X% مثلا
– حدد بالظبط انت عايز تشتغل فين “كدولة” لان ترتيب الاولويات عندهم بتفرق
يعني هتلاقي دول بتركز اكثر علي الـ Performance Marketing وانك تبقي بتشتغل campaigns علي اكثر من Platform .. ناس تانية بتركز علي جزء الـ Content marketing والـ Copy writing ..وناس بتركز علي الـ Visual content … هو انت المفروض تبقي عارف عنهم كلهم ..بس مدي تميزك في جزء معين منهم هايخليك مميز جدا في مكان ومميز في مكان تاني
– لما تكون اشتغلت في اكثر من مكان ..حاول تخلي الـ profile بتاعك منطقي
مينفعش مثلا تبقي بتشتغل في مجال و تبدأ في مجال تاني خالص جديد عليك كـ Manager
– مينفعش تتنطط في الـ titles الوظيفية بشكل مريب
يعني متبقاش specialist وبعدها Conuslting وبعدها manager وبعدين تبقي freelance specialist بعدها director وبعدها executive
فكرة انك بتروح مكان “مفهوش غيرك” او تشتغل في جمعية خيرية/نشاط طلابي، فتدي لنفسك الـ Title اللي يعجبك دي حاجة مش صح خالص
– الفراغات بين الشغل ياريت متزيدش عن سنة ..ميفضلش انك تبقي شغالة حاجة في ٢٠١٢ و الوظيفة اللي بعدها تبقي في ٢٠١٦ … اكتب الحاجات اللي كنت بتعملها فعلا في الوقت ده.. هاتبقي افضل بكتير
– بلاش الـ Profile بتاعك خبرتك تبدأ فيه من ٢٠١٥ لو انت خريج ٢٠١٠..حاول تكتب الحاجات اللي قبل كده، حتي ولو مش متعلقة بالمجال.. مفهاش حاجة ….٣/٤ البلد عملت كاريير شيفت
– الـ Activities اللي بتعملها علي الـ profile بتاعك في الـ Newsfeed بتظهر لكل الناس – فبلاش التفاعل مع الحاجات اللي مش professional خاصة علي لينكيدان
– في ملاحظة “غريبة شوية” ان في ناس كتييير بتطلب “المبلغ” اللي هي عايزه تعيش بيه، بغض النظر عن مستواها في الشغل عامل ازاي… اللي هو اديني المبلغ ده الاول و بعدين ابقي قولي علي اي حاجة ونشوف هانعملها ازاي، مش عارف الترند دا ظهر امتي – ومقدر ان الظروف فعلا خلت الموضوع صعب علي ناس كتييير – بس الموضوع علي الاقل “طريقة عرضه” متبقاش بالشكل ده
– خلي دايما في اكثر من وسيلة للتواصل لو مش متفاعل علي لينكيدان بشكل مستمر ..حط علي الاقل ايميلك او تليفونك بالنسبة للولاد – اللي بتابعه باستمرار علشان لو حد حب يوصلك
– فكرة ان شخص يبعت في ايميل واحد “اكثر من CV” او ان واحدة تبعت من ايميلها CV لصاحبتها او خطيبها…في الاغلب دا بيوصل ان الشخص مش مهتم..فياريت كل واحد يبعت ايميل لوحده “مش هياخد ١٠ ثواني …وبلاش فكرة الايميل اللي من غير subject
– اغلب الناس اللي بتدور علي ناس كويسة ومبتلاقيش بترجع للـ network بتاعتها وتسألها علي recommendation…اللي هو طالما كده كده هاعين حد مش بالمواصفات اللي انا عايزه فاعين حد عن طريق حد معرفة احسن …فاهتموا جدا جدا بالـ network بتاعتكوا وطورا منها وتفاعلوا معاها باستمرار … الموضوع ده ممكن يجبلك شغل حتي لو كنت لا تفقه شيء
بما ان في ناس طلبت مني الموضوع ده كثير فلو انت شايف نفسك “مميز” في جزء معين في مجال الاونلاين – مش حد لسه بيبدأ ممكن تبعتلي الـ CV/Linkedin مع الـ Portfolio علي الايميل وهاحاول اوصل الناس ببعض
Me@KareemSamara.com