انا زى ما قلت دى وجهة نظرى اللى مرتاح فيها وقادر اكمل معاها
2-اتعلمت من احد اساتذتى ان المبدا الصح هو
“قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ”
اغلب الناس ينطبق عليها مبدأ “صلاتى ونسكى” .. كل الناس تتمنى ان يكون مماتها لله ..
لكن “وَمَحْيَايَ” .. فى ناس كتير مش قادرين يستوعبوها صح علشان يطبقوها صح..والمشكلة الاكبر انه بيقول ان “وَمَحْيَايَ” لله ..فالمفروض “من وجهة نظرى” انه يفهم الاول انه عنده مشكلة فى النقطة دى علشان يبتدى يشوف هايصلحها ازاى.
2- الحياة فى سبيل الله اصعب من الموت فى سبيل الله
3- اغلب الناس اللى بتعمل لايك على حاجات ايجابية بتخاف هى تكتب اى حاجة ايجابية…وفى منيهم اللى بيكتفى بلايك.
4- فى ناس ممكن تقرا 10 او 20 نقطة لحد كاتبهم ..وتسيب كل حاجة وتقوله انا مختلف معاك فى كذا وكذا !!! طيب والباقى حضرتك متفق فيه ولا عادى… ولو اتفقنا على 19 نقطة من اصل 20 نقطة حضرتك مش بتعمل حاجة بعدها ليه!!!!!!
5- الظروف اللى بتخلينا نعمل كده …اظن اننا اتفقنا على انها كمان هاتذيد الفترة اللى جاية ..فلو مجمتش قلبك مش هاتكمل
5- بنستشهد بايات كتييير واحاديث اكتر فى الحالتين “الايجابية والسلبية” ..بس احنا بننشر عدوى اليأس فى فى الحالة السلبية ..وبنكتفى بنفسنا او على الاقل مبنشرش حاجة لما نشوف حاجة ايجابية …على اعتبار اننا ممكن نصنف من الناس الايجابية ومنعرفش نرجع نكتئب تانى يعنى
6- مش معنى ان شخص كتب كلمتين حلوين يبقى هو الشخص الفاهم فى الموضوع ..ممكن يكون كلام عادى بس بالنسبالك مؤثر… دا حلو ..بس خد بالك انت بتهد صورة شخص وبتحط مكانها شخص تانى .. ابعد عن صنم العجوة انك لازم تمشى ورا كلام حد
7- نظرة الفسيلة فعلا ممكن تتعمل فى اى مكان ..بس تفتكر انك لو مشتغلتش على نفسك هنا و حاولت تعمل حاجة هاتطلع بره تقدر تزرعها … زى ما بتقول ان البلد بتحاربك وهى اللى مش مديالك فرصة تبقى حاجة اونك يا عينى لو رحت اى دولة تانية هاتكسر الدنيا..احب افكرك ان اى دولة مستواها هايبقى متقدم عنك ..الناس هناك هايبقى امهر منك فى حاجات كتيييييييييييييييير قوى..جرب قبل ما تمشمى بدل ما تطلع زى اللى سافر وبقى بيلف فى ساقية بره علشان يادوب يقدر يعيش
اخيرا… اللى عايز يكتب كلام سلبى هيلاقى الفيسبوك مليان اماكن كثيرة فحت لكده ..روح اى صفحة/بروفيل/جروب واقعد عيط والطم معاهم زى ما انت عايز …انا لامس الواقع جدا ..بس لو شوفتنى كتبت حاجة ايجابية ومعجبتكش متعلقش عليها او امسحها ..لكنى اللى هايكتبلى كلام سلبى ..حتى ولو بهزار … هارد عليكى علشان الناس تشوف ردى ..بس هاخبطك البلوك من قبل حتى مل تلحق تقرا انا كتبت ايه
” حتى ننجح فى ما نقوم به يجب ان نتخلص من “الفرص” الغير مهمة” ستيف جوبز