التصنيفات
مقالات الضيوف

لما يكون صح

روحك حتعرف

في جملة عظيمة بتقول :a person can have good qualities and still be toxic for youالشخص ممكن يكون بصفات كويسة بس مع كدة مؤذي بالنسبة لك

… كان فيه صديقة ليا عايشة في صراع نفسي مؤلم بخصوص خطيبها ، فهو كان شخص علي المستوي الاجتماعي ممتاز جدا ، بس مكانتش بتحس بتلقائية او بارتياح في تعاملها معاه … فبغض النظر عن علاقتها ديه و اللي ممكن يكون المشكلة عندها هي في التعبير او التواصل .. بس ساعات المجتمع المادي و النظرة السطحية للاشخاص بيجرد البشر في ابعاد قوية جدا بخصوص جوهرهم و يختذل وجودهم في شوية صفات !!!

في مقالة علي موقع الـ CNBC بتتكلم عن اصحاب الشخصية النرجسية ( Narcissists ) و بتقول ان الرأي السائد عن الشخصية النرجسية انهم ناس رخمة او غير محبوبة ، و ده مش حقيقي !! .. فالشخص النرجسي بيهتم جدا بشكله قدام الناس ، و عشان كدة بيظهر بشكل الانسان الإجتماعي المحبوب الاقل توتر او ضغط .. شخصية قوية و قياديه .. شخصية جذابة لكل اللي حواليها .!

.. فللأسف ساعات الانسان بيحس انه بيتعرض لاستغلال او استنفاذ لمشاعره بس مش قادر يقر بكدة عشان الطرف التاني صفاته كويسة جدا !!! … ساعات بيحس ان مش قادر يكون هو ، مش قادر ييعبر عن حقيقته ، بس مش قادر يعترف بوجود مشكلة عشان في إجماع علي مثالية الشخص ده .

في النهاية فيه جملة بتقول :
when it’s right, your soul will know
لما يكون صح ، روحك حتعرف ..

فسلوك الانسان و صفاته حاجة مهمة جدا ، بس الأهم هو عمق الانسان ده .. إدراكه ، قلبه ، روحه ! ….. الأهم من ان الانسان يبقي لامع بين كل الناس ، انه يبقي منور جوا كيان الانسان اللي بيحبه

المصدر