كيلو اللحمة لايشغل بال المصريين حالياً

في التسعينات كانت الناس فقراء برضوا والغالبية كانت ماشية معاهم بالستر نفس الحال النهاردة الفرق في مقال بحثي كنت كاتبه بعنوان ( كيلو اللحمة لايشغل بال المصريين حالياً) . في الفترة دي من حياة الناس كانت الأسعار بتزيد بمعدلات اسرع من الدخل كالعادة ولكن غالبية الناس مكنش عندها الانفتاح علي العالم الخارجي زي النهاردة من الاخر محدش من المصريين كان يعرف الأغنياء عايشين ازاي الا من خلال الأفلام والمسلسلات وكان دائماً البطل شبههم، مع انتشار السوشيال ميديا وتغيير نمط الدراما والافلام والاعلانات، كل الناس بقي عندها رؤية واضحة وبالصور لشكل حياة الرفاهية وشكل حياة الثراء وشكل الحلم اللي نفسهم يحققوا، وبالتالي سقف طموح اعلي مع حالة رضا أقل اذا لم تكن منعدمه، وده اللي بقي يشغل تفكير الغالبية مش حياته الحالية ولكن الحياة اللي بيطمح انه يعشها ومتوفرة لغيره. في التسعينات كان غلاء أسعار اللحمة أكثر ما يشغل تفكير الغالبية ولكن الآن ربما ينشغل الكثير بسعر الآيفون القادم وسعر السيارات وسعر الشقق داخل الكمباوند ولا أحد يتحدث عن سعر كيلو اللحمة، فهل أصبح الكادحين يمتلكون حق اللحم ام اصبحوا يمتلكون حق احلامهم؟