التصنيفات
مقالات الضيوف

كلمه في اذن مدعي الفهم

كفايه شغف بقي

كلمه في اذن مدعي الفهم

بطلوا تصدروا للشباب حوار الشغف ده علشان واضح جدا أن أضراره اكتر من نفعه

حلو تشغل الي تحبه
بس لو محبتش مش معني كده انك تقف و تقع في اكتأب و ضياع

شوفت سؤال علي جروب ولد بيقول بتعملوا ايه لما تفقدوا الشغف …..
كنت عايز اقوله هو المحرك ليك هو الشغف؟
يا جماعه حوار انك يبقي عندك شغف بالشغل ده حوار رأس مالي صرف

ارجع معايا بالذاكرة كده و فكرني هل الرسل و الانبياء كانوا شغالين بالشغف؟
هل الصحابه كانوا شغالين بالشغف؟
يعني عاوز تفهمني أن سيدنا علي بن ابي طالب كان عنده شغف بالعتاله علشان كده كان بيشتغل شيال في السوق؟
ولا أن الرسول عليه افضل الصلاة و السلام كان عنده شغف بالتجارة أو رعي الغنم؟

افصل بين سعيك للرزق علشان تقدر تعيش
و انك تعيش حياتك اصلا

حلو انك تعمل حاجه بتحبها و بارع فيها مش معترض والله العظيم لكن متحملش الموضوع اكبر من حجمه

يا سيدي اشتغل و لو لقيت شغفك امسك فيه
ملقتهوش متتوقفش و اكسب رزقك بالحلال و خد الفلوس اعمل بيها ما يحلو لك

كفايه شغف بقي

المصدر