بلاش تلخبط نفسك بنفسك
Double Signaling
تقول ايه لحد جاى يسألك عشان تساعدوا ياخد قرار وسؤاله كالآتى:
فى عريس شخصيته زبالة جاى يتقدم لى اوافق عليه ولا لأ؟!
ما تستغربش احنا ساعات كتير بنعمل كدة مع نفسنا بس الموضوع غير واضح زى صيغة السؤال ده،
اهو ساعات ال بنعمله مع ال بيطلبوا مساعدتنا،
بنعيد صياغة الافكار ال بتدور جواهم عشان الرسالة تبقى واضحة.
مثال:
الناس ال حوالية بيقرفونى طول الوقت ومش عارف اعمل معاهم ايه!
يعنى عايز تقول ان انت مشاية وال جاى وال رايح بيدوس عليك وانت لا حول لك ولا قوة ومش عارف تتصرف ازاى؟؟
او عايز تقول ان كل ال حواليك مفروض عليك ومش قادر تختار ناس تانية؟؟
او عايز تقول انك بتخاف تزعّل الناس حتى لو بيقرفوك؟؟
حاول تسمى الامور بمسمياتها وتحطها فى سياقها الصح
هتلاقى الحل ان شاء الله
او على الاقل هتضع ايدك على اول الخيط للحل.
الحمد لله