الكركديه الساقع بيوطى الضغط..إنما لو سخن بيعلى الضغط.
المعلومه ديه سمعتها اكتر من ١٠٠ مره كده فى دهاليز الطوارئ المصريه..
عامه هو كمعلومه اتقالت زمان أن اشرب كركديه ساقع لو ضغطك عالى..فقام حد مشغل ال IQ بتاعه وقالك ده كركديه بارد كده يطرى على القلب فيوطى الضغط يبقى اكيد السخن الملهلب ده حاجه تحرق الدم فيعلى الضغط..وده تعامل مع ضغط دمه زى ما بيتعامل مع حنفيه الدش..اديها سخن وساقع.
.وده هيدخلنا فى معضله طبيه..لنفترض انى بشرب كوب كركديه سخن وشربت نصها..وجالى تليفون ولما خلصته شربت باقى الكوبايه بس بعد ما الكركديه بقى بارد…ضغطى هيعلى ولا هيوطى؟..اللى هو ضغط الدم يقولك وربنا انت بتخم..
فعشان ننهى الجدل..الكركديه من الأعشاب اللى توطى الضغط سواء شربته بارد سخن دافى فاتر نص سوا ..مسلوق..مشوى.
https://www.facebook.com/A7MED.SMART/posts/2058560430895821