عارف لو جربت حاجة “اكلت فى مطعم/ استخدمت خدمة مكان/ سمعت او قريت مقالة لشخص ما” … والموضوع معجبكش ..هاتقول عليه وحش ..طيب لو حد قالك جرب مرة تانية بعد سنة ..هايبقى عندك نفس الانطباع الوحش على الرغم من ان ممكن يكون فات سنة على تجربتك الاولى.. بس لانك كل يوم بتقابل حد طول السنة تقوله ايه الجديد يقولك “مفيش.. فاحساسك بالوقت بينعدم ..وبنسبة كبيرة مش هاتجرب وتقوله “يا عم انا جربته و دا وحش”… ولو اصر وفعلا جربته ولقيته برضه وحش .. اغلب الناس حتى لو قعدت سنة او سنتين بعدها هاتفضل تقولك برضه دا وحش ..دا خلاص كده بقى مبدأ ثبت معاهك.
نفس الكلام دا ينطبق على الحاجة الحلوة ..يعنى لو حد قالك حاجة من سنة او اكتر وانت اتاكدت منها وطلعت صح .. دا معناه انه لو جه يقول كلام تانى بنفس الطريقة بنسبة كبيرة هتاخد كلامه انه صح – حتى – من غير ما تتاكد من كلامه.
تعودك وعدم تفكيرك فى ابسط الامور بداية طريقك فى عبادة اصنام العجوة.