فيه جملة بتقول :
It’s Okay to Be Sad After Making the Right Decision
طبيعي تبقي متضايق بعد القرار الصح
بصوا يا جماعة الناس من حقها تحس زي ما الموقف و الظرف جايبهم!!! مفيش حاجة اسمها تظبيط شعور ما،
عشان يتناسب مع قرار او وضع ما!!
اللي هو ” انتي ازاي متوتره ؟!
ده انتي المفروضة تبقي فرحانه عشان خطوبتك بكرا!
انت ازاي متضايق!
ده انت المفروض تبقي متحمس عشان سيبت شغلك القديم و روحت لشغل احسن و اريح!
انتي ازاي مش مبسوطة انك اخيرا خلصتي من الواد اللي كل شوية ينط لك في حياتك و فاكرك بتحبيه!
طب ما يمكن متوتره عشان فيه لسه حاجات محتاجة تاخد بالها منها اكتر حتي بعد الخطوة الحلوة بتاعة الخطوبة،
يمكن متضايق عشان كان فيه ذكريات جميلة في الشغل القديم ده بالرغم من تعبه و قرفه و انه كان لازم يسيبه،
يمكن حزينة عشان جرحت شخص بالرغم ان قراراها ده صح مليون في الميه و لازم تاخده !!!!
فعادي جدا جدا جدا يبقي الانسان متضايق او متأثر بعد قرار خده عقله كان شايفه صح!
ده دايما العقل او منطق بيمشوا عكس الغريزة او المعتة البشرية، و اللي في الاغلب حياخدوا قرارات صعبة و تقلية علي قلب الواحد!!
فمش المفروض ساعتها الانسان يغصب علي نفسه حالة معينه من السعادة و الانشكاح عشان خد قرار صح!!
يمشي يضحك في وشوش الناس بالعافية عشان عمل اللي عقله قال له عليه!
إنما يعيش حالته – مهما كانت – بقدر من النضوج و المسؤولية،
اه ميسبش الشعور ياخده و يستحل فيه، بس برضة ميعيش في صراع قاسي بينه و بين قلبه انه ازاي خد قرار صح و حاسس بشعور مش لطيف او مش مستحب!!!!
في النهاية عمنا باولو كويلو بيقول:
You will never be able to escape from your heart. So it’s better to listen to what it has to say
محدش بيعرف يهرب من قلبه، فمن الأحسن تسمع هو بيقول ايه ..
فأسمع من قلبك و أحترم بجد اللي حتسمعه،
بس في الاخر قرارك الواعي مينفعش يبقي علي مجرد سمع