بس اللي بيحقق المحجزات حي لا يموت

واحد قريبي اتسرقت عربيته ورجعت بطريقه مستحيل تيجي في بالك !! الحرامي اتخانق مع مراته ? .. مراته قفشت عليه وعايزه تنتقم منه راحت دورت في العربيه المسروقه لقيت كارت عليه ارقام قريبي .. كلمته و وصفتله عربيته مركونه فين وراح اخدها !!

كنت شغال في شركه في السعوديه وحصلت أزمه والشركه قررت تمشي شوية ناس .. مديري كتب اسماء الناس اللي هتمشي خلاص تاني يوم كنت عنده في المكتب قالي استنى قبل ما انسى راح مطلع الورقه اللي فيها الاسماء ومسح منها اسم .. بسأله في ايه ؟؟ قالي كان في واحد اسمه مكتوب وحلمت اني مسحت اسمه فعرفت انه لسه ليه نصيب يقعد .. وفعلا قعد !!

سيدنا يوسف لما دعا ربنا وهو في السجن كان ممكن ربنا يغرق البلد او يبعتله ملائكه او زلزال يكسر السجن .. بس خرج بحاجه ابسط من كده .. رؤيه يشوفها الملك ويدور على حد يفسرها فيخرج بسببها من السجن ..

ماتشيليش هم ازاي ربنا هيخرجك من المشكله اللي انت فيها او هيحققلك ازاي اللي نفسك فيه .. يمكن عصر المعجزات انتهى .. بس اللي بيحقق المحجزات حي لا يموت ❤

https://www.facebook.com/moeataz.a.rayya/posts/10160486087450434