امبارح شفت بوست حد نزل مكان فقير كان بيوزع لحمه وفلوس وناس فقراء مكانوش عارفين شكل ال ٢٠٠ جنية سمعوا عن ال ١٠٠ جنية بس ممسكوهاش قبل كدا.
ممكن تكون شايف الموضوع اوفر وان دا صعب يكون بيحصل بس احنا محتاجين كل فترة ننزل نلف في القري علشان نشوف حال الناس ناس معندهاش مياه.
ناس معندهاش سقف للبيت وعاملين عشه والدنيا مليانه
اياكم وإلف النعم ..
يعني تحس ان النعمة الي انت فيها حاليا دا شئ عادي. دا الطبيعي ..
ونقيس علي دا ان دا الناس التانية طبيعي انها تكون كدا.
المشكلة التانية غير مشكلة إلف النعم هي محاولة تبرير الخير الي الناس فيه دا نتيجه مذاكرة او جهد او علم او حتي سعي
قارون قبل ما ربنا ما ياخده قال ايه:
قال إنما أوتيته على علم عندي
يعني هو كان شايف الخير الي هو فيه دا بسبب العلم الي هو يعرفه.
الي هي المذاكره ممكن؟
الي هي السعي باين؟
مش خير ومن من الله.
السعي وسيله لدا
بس ما انت ممكن تسعى وربنا ميكتبش ليك التوفيق عادي يعني…
يعني كان جزء من المناقشات بيتكلم حولين هي ليه الناس دي متشتغلش وتجيب فلوس
الموضوع دا عامل زي ماريا انتوان لما قالولها الناس مش لاقيه تاكل عيش قالت خلاص ياكلوا جاتوه .
وبعيدا عن هي قالت كدا فعلا ولا لا
بس هو مثال لازم يتقال.
الناس المعدمة الي مش لاقيه فلوس ولا لاقيه توصل مياه ولا لاقيه تعمل سقف لبيتها مخدوش قرار انهم يقعدوا في بيتهم بمزاجهم.
هم مش من الناس المتسوله الي بتتربح من موضوع التسول.
دا باين من بيوتهم انهم معدمين.
فملخص الكلام دا اياكم وإلف النعم.
واياكم وقول انما اوتيته علي علم عندي