الوضع بخزي

من امبارح لليوم، اعتذرت عن حواليّ 5 مُقابلات للحديث عن موضوع استضافة إسرائيل لـ43 رئيس وملك وأمير من أنحاء العالم لإحياء ذكرى الهولوكوست. اعتذرت عن المُقابلات كُلها، عشان فش عندي شو أقول، لا عن استغلال نتنياهو للحدث ولا عن دلالاته السياسيّة. كنت رح أوافق اطلع ع أي فضائيّة ولّا راديو بتسمحلي أقول هالجُملة وأنزل عن الهوا: اسرائيل جابت قيادات العالم كُلها ع القدس لأنها بتشتغل سياسة وعندها استراتيجيّة وعندها مشروع. والفلسطينيّة نايمين، ميتين، مشلولين، لا سياسة ولا استراتيجيّة ولا شحار ولا شغل ولا بناء ولا مشروع وكُل اللي بعملوه هو حكي فاضي وقمع للفلسطينيّة نفسهم وبُنى سياسيّة شاطرة تقمع وتقتل وتبني أجهزة أمن للحفاظ فقط ع سُلطتها…

وبعدها أقول “الوضع بخزي” واسكّر التلفون