بيقول لك
Just because abuser can justify it, it doesn’t mean it’s actually justified. Abusers can justify anything. Abuse cannot be justified.
مش معني ان الشخص المستغل قادر يبرر الاستغلال ، إن كدة خلاص بقي مبرر . فالشخص المستغل يقدر عنده القدرة علي تبرير اي حاجة ، إنما الاستغال نفسه مينفعش باي حال يبقي مبرر.
خلينا نتفق ان محدش بيعمل سلوك غير لو مقتنع مليون في الميه انه صح، القاتل ذات نفسه بيكون عنده دوافعه اللي شايف انها منطقيه
لك ان تتخيل ان فيه شخص ممكن يرمي علي واحدة ماشية في حالها مايه نار و هو مصدق انه مش بيعمل حاجة غلط
فمفيش حاجة اسهل في الدنيا من ان الانسان يبرر لنفسه اي سلوك غريزته او شهوته في احتياج انها تعمله
ده ممكن يكون احتياجه او غريزته ديه تكون في حد ذاتها مبرر !!!!
و عشان كدة بيكون من المستحيل انك تقنع الانسان المؤذي او المستغل ان سلوكه السادي الغير انساني ده فيه تعدي علي حقوق او حدود الغير، و من البلاهة و العته انك تدخل في جدال عقيم معاه متخيل انك حتقدر تغيير افكاره ديه
فحرفيا كل دقيقة من وقتك او جزء من طاقتك و نفسيتك بيضيعوا في حاجة زي كدة ، بتكون بتظلم نفسك و بتقل منها
فالأذي مش محتاج تنظيرات او نقاشات
إنما اي سلوك يقيد من حرية و كرامته الاخر هو اذي
اي سلوك يكون مبني علي شقاء و معاناة الاخر هو اذي
اي سلوك يكون مصدره طاقة كراهية او عنف
هدفه زرع الرعب و الألم في قلوب البشر
يجرد الانسان من حقيقته كروح و كيان انساني كامل
يلخصه في اداة او مادة للاستغلال او استهلاك
هو بكل تأكيد أذي
فالانسان الناضج هو اللي ميستحملش ان حد يتلاعب بيه و يزيف له سلوك الأذي تحت اي مبرر خايب ساذج
فالاذي واضح و صريح
سواء كان مُمارَس من مدير ، صديق ، او حتي اب او ام او زوج!
اي محاولة من الشخص للوفاق مع مبدأ تبرير الأذي
هي مشاركة منه بشكل مباشر في الأذي نفسه
ارجوك متسمحش ان حد يستخدم رقتك ضدك