الطفل الصغير يتعرض للاساءة من اهله او حد قريب منه “العقلنة”

من اكتر الحيل الدفاعية اللي بيتبناها العقل الباطن لما الانسان وخصوصا الطفل الصغير يتعرض للاساءة من اهله او حد قريب منه
“العقلنة”
Rationalizing
الطفل اللي اهله بيضربوه او بينتقدوه بيبقي محطوط في صراع كبير.

هو مش قادر يطلق حكم ان اهله وحشين لانه حبه ليهم فطري ولانهم اول ناس اتعامل معاها في الحياه وعلشان كده العقل الباطن بيبدء يعقلن تصرفاتهم معاه بإنه يديهم اعذار واسباب تدينه هو شخصيا علشان يفصل بينه وبين الألم

مثال:

بابا كان بيضربني بالحزام بس انا كنت شقي جدا وبجننه الصراحة.
كانوا بيقولولي اني فاشل بس هما كان معاهم حق ، انا مكنتش بذاكر زي اخويا .
وامثلة كتير .

طبعا ممكن حد هنا يقول طيب ما يمكن هو حاسس فعلا انه غلط او انه بيحاول يتسامح معاهم علشان في الاخر دول اهله.

طبعا ممكن بس للاسف كتير من الحالات دي بتبقي هروب من مواجهة حقيقة اني اتعرضت لاساءة .

التسامح الحقيقي …….بييجي بعد ما نقر باللي حصل ونقر اننا فعلا اتعرضنا لاساءة مكنش المفروض تتم…. وان الاساءة البدنية او اللفظية مش المفروض يكونوا الرد علي سلوكياتنا الغلط او عفويتها…..،،،،،،، ونبطل نرمي نفسنا باتهامات تبرر إساءات غيرنا ……….وبعدين تبدء عملية قبول النفس والتسامح مع الاخرين .

https://www.facebook.com/rania.shoukry/posts/1522036337877545