لا يا حبيبي احنا الكبار كدة ..
بنعمل كل حاجة حرام و نبررها و نقولك متعملهاش علشان انت صغير و عيب و ميصحش
بنكدب اه بس انت لازم تقول الصدق
بنتفرج على البوس فى الافلام من وراك بس ادامك لا علشان عيب يا ولد
بنتلكم كلام اباحى و من تحت لتحت عادى جدا بس لو انت عملت زينا هنزعقلك جامد علشان انت عيل قليل الادب و متربتش
و هنفضل نشك فيك لحد ما ثقتك بنفسك تنعدم بس نزعل جدا جدا جدا لو ثقتك فينا انعدمت و مبقتش تصدقنا
و اه بنضربك علشان مصلحتك اى نعم ساعات بنضربك لاننا بنكون اصلا عندنا مشاكل و عايزين نطلع غلنا فى حد فبتطلع فيك بس عادى احنا الكبار و انت صغير تستحملنا !
و بالمناسبة انت لازم تعمل اللى بنقولك علية علشان متدخلش النار لان لو قولت لا يبقى النار على طول انت عارف دي يعنى بديهيات
انما احنا بقى ممكن نحرمك من حاجة و نقولك لا الف مرة و نتريئ عليك و نسخر منك و من افعالك و نضحك عليك اصحبنا و قرايبنا و نجيب فى سيرتك و نقعطع فروتك و طبعا يعنى مش بنتحاسب خالص
لان انت الصغير انما احنا كبار مبنغلطش 
🙂
يلا يا حبيبي فى رعاية الله
..
#جذر_فاسد_لفرع_ميت
#قطوف_تربوية_جميلة
https://www.facebook.com/mahmoud.sadon/posts/10213882670479225