إبداء الصدقات وصدقة العلانية الي ربنا عز وجل اتكلم عنهم معناها إنك تكون قدوة في صدقاتك وخيرك والناس تتعلم منك مع وجود صدقات وأعمال خفية لك. مش معناها أبدا أبدا إنك تتخفى وتفضح المحتاج وتهتك سره وتفضح عياله . يا جماعة بلاش شير للبرنامج ده والي زيه فكروا في ستر الناس وزوجاتهم وعيالهم. الناس في أول خناقة بيتعايروا وبيتجرحوا وعيالهم بيتهانوا وجوازات عيالهم بتبوظ . من قريب حالة كانت بتتصل بالكول سنتر بتاع مرسال تسجل بياناتها واحنا حتى مبنسجلش صوتهم وابنها جنبها عمال يقولها اوعي يصوروكي ! وحالات كتير بتبقى مستعدة تخاطر بين موت ازواجها وعيالها بس منسالش الجيران لولا إننا بنفضل نحلف وناكد إننا مبنسالش حد ولا بنصور حالات ولا بنطلع بياناتهم ابدا. يا جماعة اتقوا الله في الناس وبلا برامج هادفة بلا زفت…ما الي عايز يساعد يخبي الشخص الي بيتساعد مش يستخبى هو !
https://www.facebook.com/heba.rashed.16/posts/2095890523772883
عدم الفهم و اختلاط نقل/ترجمة/شرح المفاهيم والمفهوم اللي بيوصل للناس و رؤيتهم للموضوع من زاويتهم “بس”
+ متاجرة كل الـ “sharehloders” اللي بيستفادوا بشكل او باخر من الموضوعات/البرامج/الاحداث اللي بتطلع بتؤيد فكرة تأيد مضر نابع عن جهل بيخلي اي موضوع كارثي
تقريبا بقينا نشك في كل مفهوم/حدث/كلمة بتتقال لانك بعد فترة لما بتشوف حد متخصص/بيفهم بيتكلم عليها ويحللها بتلاحظ اد ايه احنا متغفلين والموضوع مش زي ما احنا متخيلنه خالص
ودا – ومع تكراره علي فترات طويلة – بيخلق حالة من اللامبالاة من التفاعل والتجاوب مع اي حدث
بقي اي حد يحصل قدامه اي حاجة ويكتشف بعدها انها مش صح،
يقول طيب ما عادي…ما حصل قبلها كذا و كذا و كذا،
هي جت علي دي
وفي الاخر هي كده كده خربانة خربانة