بكرة يكبر ويشوف محدوديته

كل ما أشوف بوستات on this day وأشوف إللي كنت بكتبه من سنة وسنتين وخمسة، بكتشف أد إيه دماغي بتتغير.. لدرجة إني ساعات بقول إزاي أنا كنت بفكر بالشكل الضيق العشوائي ده وبمسح البوست من كتر ما هو مقزز بالنسبالي..

الحقيقة.. إن أغلب الحاجات إللي كنت بلوم إللي بيعملوها من سنتين تلاتة وبنظر عليهم جه الوقت وعملتها..
فيه حاجات كنت شايفاها غلط بقت عين الصح.. وحاجات شايفاها صح بقت عين الغلط!
ودة لو علمني درس فالدرس هو عدم التشبث المرضي برأيك لإنه فعلا السنين بتغير رؤيتك.. إني ما أحكمش على حد بيعمل حاجة مش عاجباني طول ما أنا مش هو ومش في مكانه وظروفه.. إني ما أقعدش أنظر على حد بيعمل حاجة هو مقتنع بيها..
الواحد بيكبر… بس كدة
وإللي ما كبرش ولسة محبوس جوة نفسه وشايف الكون كله المفروض يمشي على هواه.. بكرة يكبر ويشوف محدوديته

https://www.facebook.com/shaymaa.elgammal/posts/10155812312248090