في خلط و صياعة مقصودة في ترسيخ مفهوم الضريبة .. اوروبا و الدول المتقدمة الضرايب عالية جدا على الاغنياء او الطبقة المتوسطة اللي في الحقيقة لا تعود عليهم في شئ.. المعلن ان الضرائب حق للدولة لتمنية مواردها و تعود على الكل و بلا بلا بلا.. بس الحقيقة الغني و الطبقة المتوسطة بتدفعها عشان تعرف تعيش و تستمتع بمكتسباتها الاجتماعية.. الضرائب دي جزء اكبر منها بيروح إعانات المستويات الافقر عشان يخلوك تعيش.. ضرايبك عربون للسلم الاجتماعي.. كسبت كتير صح هات حتة بقى نديها للافقر منك عشان ميطلعش يكلك.. في ملياردير مصري شهير و معروف عنه احتقاره للفقراء.. شغال في مصانعه حوالي 16 الف عامل .. انشأ لهم نظام تكافل كامل و مستشفيات خيرية و ده لا يتفق مع احتقاره لهم.. لما اتسأل انت بتعمل كده ليه كان الرد الواضح.. عشان يخلونا احنا نعيش لازم يكون عندهم الحدود الدنيا للعيش.. غير كده خطر عليا و على المجتمع كله..
السلم الاجتماعي في خطر طول ما العيش بيضيق على الافقر.. مش هيشوف الدولة عدوه.. هيشوف اللي معاه فلوس هو عدوه اللي سارقه و هيتصرف بطريقته معاه.. و دي المصيبة اللي يا رب منمرش بيها..
التصنيفات
السلم الاجتماعي في خطر
https://www.facebook.com/shawky281/posts/1782768435114399