الحياة ساعات بتفرض عليك

امبارح كواريشما كان بيلعب ماتش مهم مع بيكشتاش التركى والماتش فاضله دقيقتين والفريق خسران وفرصهم بقت ضعيفة انهم يتأهلو لو خسروا، الكورة جاتله وصمم يرفعها rabona ودى رافعة كورة برجلك العكسية زى ما فى الصورة كده وهو احسن واحد بيعملها فى العالم حالياً، كمية برود متناهى على الرغم من جيش تركى فى المدرجات هيموت على جون، وحظه الحلو ان الرفعة جابت جون التعادل.

الفكرة ان كواريشما من امهر اللاعيبة فى العالم وكان ممكن يبقى اشهر من كده وبيلعب فى احسن اندية العالم، بس هو غاوى يعمل اللى فى دماغه وبس، حتى لو هيلعب فى نادى اقل.

الحياة ساعات بتفرض عليك يا أما:

1- تعمل الحاجة اللى الناس عاوزاها وتاخد ساعتها فلوس ونجاح وشهرة وكل حاجة.

2- او تعمل الحاجة اللى بتستمتع بيها واللى على مزاجك وتخسر الفلوس والنجاح والشهرة.

هو اختار 2