نقطه وتوضيح بخصوص موضوع الجواز بسبب اللقاءات العائليه إلى بقت لا تخلو من كلمه هتجوز امتي وهنتنيل نفرح بيك امتي
انا شايف ان الجواز بشكله الحالى من افشل المشاريع الي الواحد ممكن يعملها في حياته خط سير الجواز بايظ وده وصلنا الي ان حالات الطلاق بقت نص مليون السنه
العلاقه بتبدا بعفويه وبتبقي حلوه وهي عشوائيه وغير مرتبه الطرفين بيشوفو بعضهم حد تاني خالص هوبا ندخل في الكلام الرسمي وتبقى خطوبه والعفويه والعشوائيه حل مكانهم الوجبات والعادات والتقاليد ولازم تعمل كذا ومتعملش كذا وتلقي نفسك مسحول في تجهيزات واقساط المرحله دي بذات نفسها بتغير الطرفين وحتي نظرتهم لبعض بتتغير وتعدو تقولو كله هيرجع زي مكان اول ميجمعنا بيت ونخلص من الخطوه الأولى ندخل في الكبيره الي تحسو فيها بتغير غريب والأشخاص فيها بتتغير بشكل اكبر
تلقي نفسكو الحياه كلها بقت واجبات اكتر وبقت مترتبه بقيت شخص بيدفع الفواتير فا افتكر نفسه احسن واحد في البيت وانه معلهوش اي واجبات تانيه وكل ما في البيت بتاعه
لزوجه عايز تربطه جنبها وبيحسبو علي بعض النفس والحركة واعدين فاضيين لبعض وكل الي كان بينهم اتحول لعاده وبيقل يوم عن يوم وملوش طعم وبقا يوم وبيتكرر هنا يفكرو التفكير الجاحد ويقررو يجيبو طفل علي طول خبط لزق بدل ميحولو يحلو مشاكلهم واسلوب حياتهم الأول
تبتدي الساقيه تدور والأتنين ربطو بعض فيها الصبح هو في الشغل وبليل هربان من الدوشه واعد علي القهوه والبيت بقا مصدر إزعاج المهم عنده ان بيدفع فواتير اول كل شهر وهي تحولت لشخص اكثر عصبيه وبقا مطلوب منها تبقي ام وهي اصلا محتاجه لأم ترعاها
كل الأحلام والطموحات في اللحظة دي بذات بتتدمر مديرك في الشغل هيدخل عليك هيطلب منك لبن العصفور وهتجيبه هتقدم تنازلات عشان تفضل اعد علي المكتب عشان في فواتير وتعليم من الاخر مستقبلك بقا في ترقيه تزود مرتبك حبه صغيرين تشتغل انت 12 ساعه وترجع البيت عايزه يبقي جنة والعيال تمام عشان تنام وتنزل تاني تكمل عشان بقا في مصاريف مدرسه ومشروع تربيتك للطفل اتحول انك بتدفع فلوس وخلاص وبقي شويه كلام بتقوله لما يغلط وتروح مزعق للمدام عشان الواد وصل للمرحله دي الي انت مكنتش موجود فيها اصلا كنت طيف في البيت بيدفع فلوس وبس النتيجه في الاخر كل واحد دماغه في حته تانيه خالص والبيت ماشي شكلاً وكله بيقدم تنزلات أحياناً عشان الحياه تستمر لسنين وسنين كل يوم الفرق بيزيد اكتر وبقة الحياه شكل بيمثلو قدام الناس والاتنين بقو غراب عن بعض تمامآ؛ ده جانب واحد من الموضوع بس
الجواز انا شايفه ناجح لما يكون الطرفين حياتهم ومهامهم مقسومه لما تكون الحياة مبنهم قايمه علي المشاركه مفيش حد ملك للتاني بشكل مطلق وبيملكه لمجرد انهم متجوزين والامر لواحد بس عشان هو الي بيدفع مفهاش حاجة لما هي تدفع كمان وتشارك وكل واحد يحس بقيمه مشركته ويكبرو بيتهم سوا ويبقي في طموح ومستقبل مشترك وده بيخلي العلاقه تتجدد اول بأول وخطوه الخلفه تكون محسوبه شايف انك هتبقي مشغول عن الطفل متجبوش غير لما تتاكد من انك هتربي وهتكون جنبه وتعلمه كويس وترعا كويس مفهاش حاجه لما تعيشو في مكان صغير في الاول من غير تجهيزات كتتير وتحولو تستثمرو وقتكم وفلوسكم في حياتكم الفعليه مش في شويه سيراميك وعفش مش لازم الشقه الواسعه الي هتهلكو نفسكو فيها تجهيز عشان شويه مظاهر وكلام ناس ملهاش اي لازمه
انا عارف ان كلامي ممكن يكون سطحي حبتين وطبعا لا ينطبق علي الجميع بس ده جانب من الموضوع وبيتكرر قدامي كتتير وشفته بعيني.
و
You will not be the greatest Dad If you can’t entertain a child without using an iPad.
https://www.facebook.com/Amr.Genius/posts/10154643510297049