انا عايزك تركز فى المعادله دي كويس جدا
البيزنس كله مبني على الـ Need
للاسف اغلب المشاريع واللى هي مؤهله للفشل الذريع بتمشي بالترتيب ده :
Your Needs
Business Needs
Market Needs
Customer Needs
انت محتاج تعمل مشروع وتحقق ذاتك وتبقى بيزنس مان اد الدنيا
وبعدين تاخد غطس وتشوف الحاجات المهمه اللى محتاجها البيزنس بتاعك من لوجو ومقر وبين باجز وخلافه
وبعدين تشوف السوق عايز ايه وهتقلد مين من اللى شغالين وبيكسبوا وطبعا بعد اما تحط التاتش بتاعك والميزه التنافسيه بتاعتك والتعديل الجوهري فى المنتج بتاعك – اللى هو على سبيل المثال لا الحصر تغير الخط اللى مكتوب بيه تاريخ الصلاحيه على العبوه – اه طبعا ما انت لازم تبقى Unique
وبعدين لما عملت كل ده تبدأ تشوف بقى العميل المصري الغريب العجيب المتخلف اللى مش مقدر الشغل العظيم اللى انت عملته ولا حتى مقدر انك بترد على استفساراته من الاساس … وتفضل فى حالة الاستغراب والتعجب دي لحد ما تقفل
عايز اقولك اوعى تبدأ بالمشقلب زي ما اغلب الناس بتعمل …
لو عايز تبدأ صح بيقى البيزنس بيدأ بالترتيب ده
Customer Needs
Market Needs
Business Needs
وبعدين تشوف
Your Capabilities and Qualifications
علشان تعرف انت قدها ولا لأ
و Your Needs دي تخليها لنفسك لان دي متهمش العميل والسوق فى حاجه