البوست دا بيتكلم عن شوية من اقتصاديات البتكوين والكربتو وال Alt coins
هبدأ بموضوع اسعار Bitcoin والعملات الي حوليه زي الاثريم والباقي .
بما ان في فترة من حياتي كنت مذاكر الموضوع دا واشتغلت فيه شوية ك و تكنولوجي وري سيرش . بس المرة دي مش هتكلم عن التكنولوجي نفسها هتكلم عن شوية حاجات في اقتصاديات الموضوع دا ايه الي بيحدد السعر والبيع والشراء والماركت كاب الخ . .
1- سعر البتكوين الحقيقي هو مقدار الفلوس الي الشخص دفعها علشان يحصل علي ال Bitcoin قد يكون عملية شراء. بس السعر الحقيقي فعلا او ال Cost بتاعه صناعة البتكوين.
هو مقدار الفلوس الي ال Miners او الي شغالين في الموضوع دا خسروه ودا بيكون سعر ال Mining = تمن اهلاك الاجهزة + تمن الكهرباء المستخدمة في انتاجه + تكلفة التبريد للاجهزة + ايجار المكان الخ الخ.
سنة 2017 كان التمن دا حوالي 3500 دولار لانتاج البتكوين الواحد دا سعر التكلفة في حين ان سعر بيع البتكوين تقريبا وصل ل 20 الف دولار لو انا فاكر صح .
سعر التكلفة دا بيحدد الرقم الي البتكوين عمره ما هينزل تحته لان ال Miners مش هيخسروا فلوس .
كل ما هو فوق سعر التكلفة كان عباره عن تداولات مقسومة حتتين .
1-ناس تشتري وتخزن . ودول لما بيدخلوا يشتروا بيغلوا السعر جدا لسببين
السبب الاول ندرة المعروض . فالمعروض بيقل لان هم مش هيبيعوا دول هيخزنون
الحاجة التانية مش مش فارق معاهم سعره كام قوي لانه كدا كدا هيخزنه فمش فارقه يعلي سعر ال Bid عليه .
2- ناس داخله تشتري وتبيع ودول وطبعا داخلين يتشتروا علشان يكسبوا كمية ودول ناس كتير جدا بتشتري علشان مكسب بس التداول مش انه يخزن .
وفيهم Bots بتشتري ( انا كنت عامل Bot من فترة بيعمل كدا ) ويستني لما السعر يطلع فيبيع بس الهدف ان السعر يطلع فالسعر بيطلع . طبعا ناس كتير واغلب ال Bots لما بتشوف السعر نزل شوية علشان ناس تاني بدأت بيع بتخاف وتبدأ تبيع بسرعه علشان يقللوا الخساير وبالتالي السعر بيفضل ينزل لغاية نقطة ناس كتير عاوزه تشتري فيها وبالتالي بيبدأ يعلي تاني ( دا طبعا بيؤدي لهبد والفوق والتحت الكتير الي بيحصل في بتكوين + قلة السيولة + قلة ثقة ) فكل الكلام الي فوق دا بيشرح جزء كبير جدا من الشغل الي في حتت ال Bitcoin .
الجزء الي بعد كدا مهم جدا .
ال Base currency لل Bitcoin هي الدولار .
يعني الناس بتشتري بتكوين فبتبيع دولار . او بيتبيع بتكوين وتشتري دولار .
زيادة سعر البتكوين معناه قلة سعر الدولار اغلب الي بيحصل هنا من الناس الي داخله تكسب وتمشي وتبيع او حتي تشيل انه بيحسب هو كسب كام دولار في الموضوع دا .
يعني لو اشتري بتكوين وخزنه عنده اكيد البتكوين مش هيبيض ويبيقي 2 بتكوين .
فعلي Level العملة نفسها هو مكسبش .
انما كسب لما بقي قيمة البتكوين لل base الي هي الدولار زادت او الدولار قل.
والدولار هو ال Base لاي حاجة تاني .
فكدا قيمة البتكوين زادت في انها تشتريلي بدل 3 كيلو سكر بقوا بيشتروا 4 و 5 ولسه هو زي ما هو بتكوين .
الحركة الي بعد كدا هي زيادة سعر العملات البديله ال Alt coins زي الاثريم
ايه الي بيخلي السعر بتاعها يرفع ؟ وبيرفع بالنسبة لمين ؟
الاول ليه الناس بتشتري Alt coins
الاجابة علشان سعرها قليل ومش عارفين يشتروا في بتكوين .
او علي امل ان فيه يوم من الايام السعر بتاعها يزيد .
فبعدين بقي الناس دي اكتشفت ان ال Base currency لل Alt coins هو ال Bitcoin مش ال دولار . فالناس عملوا حركة حلوة . كل ما سعر البتكوين يزيد . كل ما سعر ال Alt coin يقل . وكل ما سعر ال Alt coin يزيد كل ما سعر البتكوين يقل .
والموضوع ملوش علاقة مباشرة بالدولار . فلما سعر ال ALT coin يقل دي فرصة حلوة للشراء.
فبيستوا لغاية ما اول ما بتكوين يستقر وبعدين يروح يشتري من ال ALT coin زي اثريم مثلا .
ولما ناس كتير تشتري اثريم .
سعر الاثريم بالنسبة للبتكوين بيزيد ( مش بالنسبة للدولار ) وسعر البتكوين بالنسبة للاثريم يقل .
وسعر بتكوين بالنسبة للدولار زي ما هو .
وبالتالي في الحالة دي بعد ما السعر مثلا يزيد بنسبة 50% يروح بايع الاثريم ويرجع يشتري بتكوين فيلاقي ان البتكوين بقي بتكوين وشوية لان سعر البتكوين بقي ارخص بالمقابل للعملات .
وبالتالي لما يرجع يبيع بتكوين للدولار هلاقي مكسبة تضاعف بشكل مبالغ فيه.
انا كاتب الكلام دا كله علشان الناس الي عاوزه تشتري وفاكره ان الموضوع سهل وانه هيدخل يكسب مع الي بيكسبوا .
انا هنا مش بشجع حد يتشري او يبيع انا بس بشرح اقتصاد موازي للدولار شغال ازاي .