التصنيفات
مقالات الضيوف

إنت مجموع ما تفعل

مش اللي كنت تتمنى تعمله وما عملتوش

 بص، إنت لازم تعمل كل اللي عليك فعليا،
وكل اللي ممكن يتعمل،
في أي حاجة بين إيديك،
مش عشان تنجح فيها،
ولا عشان ما تقولش يا ريتني حتى،
لكن عشان إنت فعليا مش عارف منين بيودي على فين،

وممكن وإنت في نص طريق ما،
يتفتح لك طريق تاني ما كنتش تعرف عنه أي حاجة،
زي طريق ضلمة،
كل ما بتتقدم فيه بيتكشف قدامك،
لكن لو رجعت، أو بطلت،
عمرك ما هتعرف إيه اللي بعد كده،

والعمر قصير،
والطاقة بتنفد،
واللي مش هتعمله دلوقتي،
فرصك في إنك تعمله بكره،
هتكون أقل.

وفي النهاية إنت مجموع ما تفعل،
مش اللي كنت تتمنى تعمله وما عملتوش.

المصدر