قدر كبير من الشعور بالتعاسة الموجود في دواخلنا ، سببه شعور مُلِح ، مُضخَّم جداً في أيامنا الحالية ، أنك لا تفعل ما فيه الكفاية .. you are not doing enough .. محتاج تشتغل أكتر ، تتشقلب أكتر ، تتعلم أكتر ، تتعافى أسرع ، تجذب الناس / الفرص أكتر ، أنت محتاج تسافر فورا ، محتاج تطير ، محتاج تلحق حاجة معينة انت مش عارفها حتى .. محتاج تحسِّن من نفسك أكتر ، تُرضي أحبابك أكتر ، تحسِّن وضعك المادي والإجتماعي والشخصي والعائلي أسرع .. محتاج تشعر أنك أفضل بغض النظر عن وضعك الحالي ، بل لأنك في سباق يتسابق فيه الجميع للظهور بمظهر الأفضل.
الهاجس دا يأتي تزامناً مع أسوأ حقيقة ممكنة ، وهي ان طاقتك الحالية تقترب من الصفر أصلاً ، وأنك بالكاد قادر تقوم من سريرك ، وبتزحف عشان تحافظ على آداء مهام يومك العادية.