بالنسبالي فق فرق بين اني افقد الرغبة علي عدم فعل اي شيء وبين اني افقد القدرة علي عدم فعل اي شىء
افقد القدرة – من وجهة نظري – هي اني نايم طول اليوم في البيت ..مش بخرج لشغل/دراسة/مقابلة اصحابي/زيارة ناس .. مش بعمل اي حاجة في الدنيا .. دا فقد القدرة ..
فقد الرغبة ان بعمل شوية حاجات زيارات/مذاكرة/شغل بس مش متحمس للموضوع ..بروح مرة ومرة لا .. بكتب بوستات كئيبة علي الفيس بوك … بس مش مستمتع بيها ولا حاسس بطعمها،
لو انت في الحالة التانية يبقي انت كده في مرحلة انك “واقع شوية” .. المشكلة اللي حصلت قبل كده معايا في المرحلة دي اني كنت بقارن الفترة اللي انا فيها في اسوء حالاتي ..بالفترة اللي انا كنت بتحرك وبعمل كل حاجة وانا في احسن حالاتي .. ودا اللي زود المشكلة … الفكرة هنا انت مش محتاج تقارن نفسك بالوقت اللي كنت بتتحرك فيه لانك صعب تعمل نص المجهود اللي منت بتعمله وقت ما كنت “فوق” وفي افضل حالاتك .. كل اللي محتاج تعمله – من وجهة نظري –
١- انك تفتكر الهدف اللي انت كنت بتسعي ليه و انت في افضل حالاتك … الهدف مش النشاط والحاجات اللي كنت بتعملها زمان ..افتكر الهدف بس
٢- خليك واعي انك في فترة خمول او سميها راحة علشان تستعيد نشاطك
٣- اعرف انت من انهي نوع: في نوع اللي بيفتح علي الخامس علي طول .. وساعاتها وانت بتتحرك ببطيء اشبط في اي حاجة كبيرة .. ارمي نفسك فيها والسلام … او النوع التاني اللي بيحتاج حاجات بسيطة فيها نجاحات صغيرة علشان تقدر توصل لاقصي سرعة ليها مع الوقت .. ساعتها انت محتاج تحافظ علي الحاجات اللي انت بتعملها وتبتدي تذودها بالتدريج.