مقتنع تماما ان حتى العلاقات الاسرية بره مصر هتبقى احسن بين المصريين!
لو في جهاز بيقيس مدى عدائية (aggressiveness) الانسان و الجهاز ده استعملته من 5 سنين مثلا و اداني درجة معينة و جربته دلوقتي اكيد هلاقى نفسي اخدت درجة اعلى بكتير لدرجة تخض
احنا في بلد بتخليك بشكل طبيعي تبقى عدواني aggressive علشان بس محدش يدوس عليك. و اكتر حاجتين بيعلوا الدرجة دي هما الشغل و السواقة الا طبعا لو شغل مثلا يعني مفيهوش تعامل مع الناس مثلا
المشكلة انك بتستخدم العدائية دي كدرع تحمي بيه نفسك في البداية لغاية لما بتبقى جزء من شخصيتك و هنا بقى بتكون المشكلة لما تتعامل مع اهلك سواء بقى زوجه او اولاد .. ألخ.
تقريبا الواحد محتاج يبقى عنده انفصام في الشخصية علشان يعرف يتعامل كويس في بيته علشان يفصل الشخصية العنيفة اللى بيتعامل بيها بره عن جوه. و لو بين الازواج في رومانسية فده حاجة صعبة اوي و محتاجة تقدير كبير لانه معني كده ان حد قدر يعمل فصل للجانب المظلم من شخصيته.
و الفرق لو بره مصر في بلد محترمه، محدش هيجتاج كم العدائية اللى بيحتاجها هنا و بالتالى الجانب المظلم ده هيبقي خامل الى حد كبير.
علشان كده المفروض المقبلين على الجواز لازم يراعوا انهم ياخدوا اطول شهر عسل ممكن بره المخروبة دي علشان يشحنوا رصيد يقيضيهم فترة طويلة في المخروبة دي.
اخيرا ياريت محدش يستفزني خالص علشان انا خلاص قفلت جهاز ال aggressiveness.
https://www.facebook.com/IhabLSayed/posts/1659858144291131