يا رب نشتغل لحد ما نموت

– أنا مبسوط قوي يا حسين إن الويك إند خلص
– آه و الله مش عارف ليه بناخد ويك إندز إحنا مش عايزين ويك إندز
– بحب الشغل قوي
– بموت فيه
– طب أنا هطفي التكيف عشان الجو حر
– أرجوك… عايز تاكل؟ هاطلب أكل
– لأ أكيد أنا إللي هطلب
– لأ عيب طبعا أنا إللي بحب أطلب دائما
– بس إنت لسة جايلك إيميل محتاج ترد عليه يا بختك
– بطل أر بقي ما إنت قدامك Excel sheet ميزانية q1 شغال عليها يعني أكيد إنت مبسوط فشخ
– نفسي أحط الٱيميل ده في سندويتش عيش شامي و أكله أكل
– و أنا نفسي أعمل Excel sheet ميزانية q1 تاتوه علي دراعي
– أنا عاملها wall paper عندي في البيت علي فكرة
– و أنا عامل presentation إجتماع مجلس الإدارة إللي فات بافتات لعمر إبني… كل سلايد بافته
– أنا مسمي إبني attachment…attachment علاء عبد العظيم
– يا بخته بيك
– يا بختي بيه … تسمع إيه؟
– شغلنا مكنة التصوير علي ماطلب أكل
– حاضر بحب صوتها قوي… وصي بس الأوردر ييجي بارد و بايت و غلط و ناقص و متأخر أرجوك زي كل مرة عشان اليوم ما يبوظش
– أكيد… لسة قدامنا لحد يوم الخميس شغل … أنا بحب حياتي قوي
– وأنا كمان يا حسين… يا رب نشتغل لحد ما نموت
– يا رب نموت

https://www.facebook.com/hatem.awa/posts/10160001272380463