إنك تحاول تنجح في مصر فأنت من متحدين الإعاقة
إعاقة افكارك السلبية و معتقداتك الموروثة من مجتمع سلبي و تربية سلبية ،
بتتحدي عقول ناس كتير بقت مصدية من الراكنة ،
إعاقات القوانين و النظام و الروتين و تعسف مدام عفاف في استخراج الأوراق الرسمية ،
بتتحدي نظام تعليم سيئ و شبكة طرق و موصلات و مؤسسات كتير ،
بتتحدي نظره و كلام كل الناس اللي بيحبطوك طول الوقت بتتحدي شفافية الاعلام و سهولة الوصول للمعلومات و سرعة الانترنت ، بتتحدي كوكب الارض اللي مش راضي يعترف بيك في اي مجال …
انك تنجح في مصر دي قصة تُدرس في التاريخ الإنساني .
فرفقاً بكل شخص بيحاول يعمل حاجة ليها قيمة حاولوا تدعموه و تقدروا مجهودة قول كلمة حلوة و لو مش قادر اسكت اصلها مش ناقصة صدقني ، الناس بتبذل ٥ أضعاف المجهود مقارنة باي حد في مكان تاني .