اعتقد عبء كبير بيتحمله الفرد لما ميفرقش بين ” معايشة ” البشر و ” فهمهم ” !! … فالصعوبة عمرها ما كانت في التعايش في حد ذاته قد ما كانت في محاولات الفهم و ايجاد التفسيرات ..فسبب اساسي في شقاء الانسان بيكون انه عاوز يفهم كل اللي حواليه ، عاوز يلاقي مبرر منطقي لتصرفاتهم و تحليلات مناسبة لسلوكهم !! .. و اللي بيضيع جزء مش بسيط من وقته و مزاجه في العملية دية !! .. ففي وجهة نظري ، حتنتهي معاناة الانسان ده لو ادرك انه مش مطلوب منه اكتر من انه بس يتعايش معاهم ! مجرد يتواجد وسطهم من غير لا فهم و لا تحليل .. فعامل مهم لراحة بال الانسان معتمد علي تعطيل الجزء النشط في عقله اللي مسؤول عن رغبته القوية لفهم كافة البشر ! .. فمش كل الناس تستحق المجهود و الطاقة ديه … مش اي حد -عادي- من حقه انه يكون ضمن دايرة تفكيرنا او اهتمامنا .. إنما دايرة الفهم و التحليل و التفكير في ابعاد السلوك و المقاصد اعتقد لازم تبقي لمجموعة خاصة من احبابنا او الناس المهمة بالنسبة لنا .. و اي محاولة منا لتبديدها علي اي حد يعتبر ترخيص من قيمتنا و استنفاذ لينا !
التصنيفات
فرّق بين معايشة البشر و فهمهم
سبب اساسي في شقاء الانسان بيكون انه عاوز يفهم كل اللي حواليه