كلنا زعلنا اوي علي محمد صلاح وانا زعلت علي إصابته وعلي الوقت كمان
لكن اللي جنبه ده أحمد الشناوي حارس مرمي الزمالك اللي اتحرم من لعب كأس العالم لإصابته برباط صليبي
ودي الحاجه اللي عاوز اتكلم عنها
احنا زعلانين علي صلاح علشان مصلحه المنتخب،،، وعلشان لاعب محترف بمعني الكلمه،،، وفخر لينا كلنا..وكلنا حطينا ايدينا علي قلوبنا لان لو ماكانش هايبقي موجود في كأس العالم هايبقي منتخبنا في خطر ..
كل الخوف ده جنبه كلمه ( علشان)
لكن أحمد الشناوي فعلا مش هايشارك واتصاب أصابه أشد واعنف بس محدش زعل عليه زي صلاح عارفين ليه ؟؟؟؟؟؟ علشان في البديل
وهما دول الناس وطبيعتها طول ما في بديل عنك. مش مهم بقي تعبك وكسرتك وضياع حلمك مدام في بديل هايقدر يفرحني ويحقق حلمي
طب ووجعه هو وكسرته هو وحلمه هو؟؟!!
مش مهم بقي حظه كده المهم في حد بديل الحمدالله
طب وصلاح؟؟!
لا مالوش بديل.،لازم نحافظ عليه.. نزعل عليه..نخاف من أن حتي يجيله شويه برد
عارفين. اهو انا يمكن حاسس بوجع أحمد الشناوي ده بيقول لنفسه..ده انا أصابتي اصعب ..باخد في مكاني ملاليم…حلم حياتي راح ..ومالاقتش الحب ده في وجعي..باقت الاصابه اللي خدها من ردود أفعال الناس أعنف من الاصابه اللي وقفت حلمه
للاسف طول ما ليك بديل جرحك وكسرتك يتقالها( لا نصلي و معلش ده قدرك واكليلك )
لكن لو مالكش بديل ممكن يعملوا المستحيل علشان كسرك يتلم بسرعه
لو لقيت ان وجعك عند اللي حواليك بياخدوه بكلمه وقت وهايعدي اعرف ان الوقت اللي بعده الزمن هايقف عنده والخربوشه هايبقي ليها عندك حساب
كسر الناس واحد بس احنا اللي بنميزه علي هوانا
https://www.facebook.com/photo.php?fbid=1804249773216168&set=a.1383222115318938.1073741829.100008934880331&type=3&theater