– احنا البشر ربنا سمحلنا بـ Option اننا نغلط … فانت اجتهد علي قد ما تقدر انك متغلطش .. بحيث لو غلط وانت بتجتهد يبقي بتتعلم لحد ما تتعلم و في فرق بين انك بتتعلم وانك بتطبق ..
التعليم معناها انك بتجرب وبتغلط وتتعلم
التطبيق معناه انك اخدت فنرة مناسبة في التعليم وحاليا بتطبق وبتتحاسب ..متخلطش الامور
– من اهم المشكلات الرئيسية في التعليم هو “احساسك بالتاخر”
احساسك انك فايتك حاجات كتييييير وانت المفروض تعمل حاجات كتيييير بيخليك تستعجل وانت بتتعلم ..فمثلا حتي لو انت في ايفينت هايعلمك حاجة ..هتلاقيك مستعجل تعمل كل حاجة من اول يوم ..عايز تخلص بسرعة لانك عارف انك متأخر ..فمبتديش كل حاجة حقها .. فتحصل نفس المشكلة بانك حافظ ازاي تعمل حاجة ..فاهم فيها شوية حاجات ..ومعندكش اي معلومة عن الباقي.
حافظ مش فاهم “النسخة المعدلة”.
– احنا اتعودنا اننا دايما “نعمل الصح” .. ولما كنا بنغلط كنا بنتعاقب .. مع ان الطبيعي وانت بتعمل اي حاجة بتغلط فيها ..او بمعني اصح انت بتجرب لحد ما تتقنها .. لكن فكرة تكرار العقاب خلتنا دايما بنفكر بشكل انك تعمل الصح .. و من اول مرة … ودا اصلا اكبر غلط