التصنيفات
مقالات الضيوف

بس الحق يلخبط

ماتسيبش نفسك لنفسك!
لا تكن عاطلا، لا تكن فقيرا، لاتكن وحيدا!
نفسك، إن لم تشغلها بالحق شغلتك بالباطل؟

بس الحق يلخبط، يعني هتبقي فاكر إنك شاغل نفس بالحق عشان هو فعلا شكله حق، بس هو مش حق ولا حاجة، مش عشان هو في حد ذاته مش حق علي قد ما إنت كإنسان بحدودك بأولوياتك بمراد ربنا منك لازم توصل لإيه هو الحق بتاعك، المخصوص بيك إنت، مش كل حق يركب علي رحلتك

كمان في فرق بين إنك تشغل نفسك بالحق عشان ما تفشخكش هي بالباطل وبين إنك تهرب منها أو بيها لأي حاجة، حتي لو منها حاجات حق، أقصد فيه فرق إنك تهرب لحاجة وإنك تشغل نفسك بيها!

مهمة صعبة عشان توصل لمرحلة إنك اي كان اللي بتعمله في يومك، متبقاش خايف تروح عشان عارف إنه مستنيك في أوضتك، مستنيك بعد كل الإنبساط والتنطيط والشقلبة عشان يواجهك بالحقيقة والأسئلة المرعبة
طريق طويل عشان تعرف تسيب اللي بتعمله وتروحله إنت تقعد معاه بمزاجك، إنت اللي تندهله عشان تسمعه وتفكر معاه بصوت عالي، إنت اللي تسوق مش هو، تبقي إنت الفعل مش رد الفعل وتبدأ تاخده معاك وتعرفه علي صحابك وحياتك وتهديه وتفهمه إنت بتحاول وبتحفرك في إيه، عشان طول ما إنت هربان منه هيفضل يفشخك

https://www.facebook.com/YahiaKordy0/posts/523407661418396?__tn__=-RH-R