الانسان مع تطور الحضارة الانسانية طور في نفسه ما يسمى بالمنظومة الاخلاقية، منظومة يمكن اعتبارها البوصلة اللي بتميز عندك الصح من الغلط والعدل من الظلم وهكذا، بما ان مفيش صح كامل ولا عدل مطلق فالمنظومة الاخلاقية دايمًا بتختلف من شخص للتاني ومن مجتمع للتاني حسب المجتمع ده بيشوف العالم ازاي ورأيه ايه في الحريات الشخصية وتفاصيل العلاقات الانسانية بين البشر وهكذا، احنا باختصار معندناش منظومة اخلاقية اصلا، مش عندنا منظومة مختلة لأ، احنا معندناش اصلا، احنا ننقض على رانيا يوسف اللي فعليًا مأذتش حد ونهاجم معاها اي بنت عملت اي حاجة في حياتها الشخصية مأذتش بيها حد برضه بس بنهاجمها لمجرد ان انها اتولدت بنت بالتالي مش من حقها تعمل اللي انت بتعمله وبتتفاخر بيه كمان، تقدر تمد الخط على استقامته للآخر، في الجهة المقابلة ممكن نعتبر ايذاء رجل للآخرين شئ عادي يمكن التسامح معاه، مش التعاطف الانساني مع المخطئ ده لأ، التسامح اصلا، اللي هو عادي محصلش حاجة يعني، احنا عندنا مشكلة مع بنت مصاحبة واحد رغم انها مجتش ناحيتنا بس معندناش مشكلة مع راجل لو متحرش
هي دي منظومتك الاخلاقية او منظومتك اللااخلاقية بالأحرى اللي مبنية على مبدأ واحد “اللي عنده اصدقاء اكتر و اقوى راكب” ، اصدقاء دي ممكن نعتبررها اصدقاء فعلا وممكن تعتبرها ناس عاديين لكنهم اصدقاء للفعل اللي عملته فهما في موقف ادانتك لارتكاب الفعل هيبقوا اصدقاءك بالتبعية ده غير اصدقاء فكرة انك راجل اصلا ومنظومتك اللااخلاقية بتقول بالمناسبة ان الراجل ميعيبوش غير اشياءه، فصباح الفل يعني
https://www.facebook.com/Ahmed1Afify/posts/2416538561758892