كان في بوست بيقول ” محدش عارف الجندي المجهول الي عمل العربات بتاعت نقل المومياوات”وفي الاخر جايب صوره المهندس عطيه
والحقيقي الموقف ده فكرني ببوستات بتاعت
“بص حمو بيكا وصل فين وعمر كمال..وهنحط الشهاده فين، وانا هعمل ايه بشهادتي”
وهقولك ايه السر او الرابط ما بينهم وهحاول مسحلكش كتير
بس الي خلا الموضوع مضحك شويه بالنسبه لي، ان الباشمهندس عطيه، مش جندي مجهول خالص، ده يعتبر من اشهر واشطر ان مكانش اشطر فعلا مهندس ديكور في مصر، واستاذ لتلاميذ كتير شاطره جدا مهندسين ديكور دلوقتي
ولما حد بيحب يقول لمخرج مثلا ان فلان الفلاني ده شاطر كمهندس ديكور بيقوله “ده من رجاله عطيه” او احد تلاميذ الاستاذ عطيه
بس طبعا عشان ناس كتير بره الصناعه قالوا عليه “الجندي المجهول”
انا متاكد ان اي حد شغال في صناعه السينما في مصر كان بيضحك على الجمله دي
بس هو ليس بشهره حمو بيكا ولا عمر كمال ولا حسن شاكوك ( مع الاحترام ليهم جميعا) انا فعلا مش بجرح في حد
ولا هاخد البوست ناحيه انه يااه شوف هو قد ايه عظيم وكده بس مش مشهور وان الجمهور غبي ومتخلف واحنا في عصر ال مش عارف ايه
بس هو فعلا الناس ديما عندها مقياس “الشهره والفلوس” ومش راضيين يطلعوا براهم،مش قادرين يشوفوا حاجه بره دي، حاجه بره العربيات المرسيدس والدلع وما الى ذلك،
يمكن الناس عندها مشكتلها في احتياجها “الحالي” بتاع دلوقتي، عشان هو مثلا محتاج فلوس او بيتبهدل في المواصلات، او مش عارف يخلص ورق معين وقال لو كنت مشهور كنت خلصته بكل سهوله، فده سيطر عليه وخلاه يشوف ده النجاح
حد زي الباشمهندس عطيه، معتقدش انه عايز يعيش حياة حمو بيكا او عمر كمال، او عايز اي حاجه من ناحية الحته دي،
رغم ذلك هو تعب في كاريره من اول ما بدا وفضل يكبر فيه لغايه اما بقى اشهر واحد مهندس ديكور معروف في مجاله
للناس المهمه، للمخرجين، للصناع، لاي حد بيخش المجال، مشهور في الي يهمه، وبينجح في الي بيعمله، وبيحقق كل مره انجاز عن الي قبليه
حد مثلا زي احمد المرسي، مش ناس كتير تسمع عنه غير بردو المجال، او الي لقط بوست من بوستات افلامه وشرحها ك فريماتبس احمد المرسي عشان يوصل للي هو فيه بدأ من 1996، وابتدا كمساعد وبعد كده مصور وبعد كده مدير تصوير، يمكن جت الفرصه بتاعت الحدث عشان حد بره المجال يسمع عنه ف 2021، يعني بعد حوالي ربع قرن عشان تسمع انه عندنا مدير تصوير فشيخ تحسه اجنبي
والناس دي بتبقى مبسوطه جدا بنجاحها، وكل ما بتنجح في الحاجه الي عايز تبدع فيها هتوصل للفلوس الي نفسك فيها الي بتشوفها مع حمو بيكا وعمر كمال
ولما يطلبوا حسن شاكوك في حفله امريكا بتذاكر فيها دولارات كتير، ده عشان مفيش ناس كتير في مجاله بيقدمه الشيء الي هو بيقدمه الي عليه طلب كتير
عايز تغني بكره الصبح زيه، غني انت حر، اعتقد بردو انه هو تعب من زمان عشان يوصل للي هو فيه
يعني تخيل مثلا اغنيه زمان بتاعت “اشكرك يوووووه اوعدك الولا ايه” دي كانت بتاعت حسن شاكوك وانت متعرفش..ولو عايز تتاكد هتلاقيهم بيقولوا في اول الاغنيه ” خش يا شاكوش يا جامد”
فحتى عمر كمال تعب وكان نفسه يغني ومحدش كان راضي بيه، فا هما بردو مبيخترعوش السحر ولا بيعملوا حاجه صعب انت تعملها
بس الناس كثيره الشكوى وبتقعد تلوم على الناس وعلى زوقك وعلى الدوله ومش بعيد خالص تلاقيه هو وهو قاعد مع نفسه او عنده احتفاليه صغيره يقوم مشغل حمو بيكا وحسن شاكوك وبيرقص عليهم،
لان فعلا عندهم برودكت انت محتاجه وبتطلبه
فعايز تحط الشهاده، حطها في اي حته انت عايزها،
عايز تقعد تشتكي اشتكي،
هي في الاول والاخر، عندك نماذج كتير اشتغلت في مجالها وتعبت فيه جامد لغايه اما ربنا وفقها ووصلت
الناس الي بتتريق على السعي انه بيؤدي لحتميه الوصول، وبيتريقوا عليه زي الاخ الفاضل “وانا فعلا مش بعيب فيه ومش قصدي اهينه” لما عمل ديزاين لكانزايه بيبسي، وكتب في الاخر “انه مفيش فايده من السعي” هو الحقيقه انت مسعتش، انت ركنت على جنب وقعدت تشتكي، حتى السعي بتاعك حد كان عمل زيه بالظبط، وكتب حاجات بسيطه في السيرش وعمل الديزاين الي انت عملته في ابسط صوره
انما حد مثلا زي الديزاين احمد عماد الدين الي كان ديما بيطور في ديزايناته وعمال يشتغل فيها وهو اكيد مش حاطط في دماغه ان “pink floyd” هيجوله وياخدوا احد ديزايناته يبقى cover للالبوم، والناس كلها احتفت بيه واللي ياكدلك انه ما زال بيسعى، انه الراجل لغايه يومنا هذا عنده واجب وعمال ينزل ديزاينات، رغم ان الاحتفاء بيه مبقاش زي الاول والناس سابت الترند بتاعه، مقعدش يشتكي ويقول انا مفيش مغنيين بياخدوا حاجه مني ولا حد بيحتفي بيا زي زمان،
الراجل مكمل في صمت شغله
فانت محتاج بس تتعامل مع الحياة انك في غابه،
وانك محتاج ت Survive كل يوم للاسف،
هي الدنيا دار شقاء،
واسأل اي حد ناجح في مجاله ووصل لنقطه عاليه اوي زي النهارده.
و انا اتحداك انه هيقولك انه لسه بيذاكر ولسه بيدور وبيحاول يتعلم ويرتقى عن الي هو فيه، مقالش انا خلاص وصلت واكتفي بده، عشان كده هما ناجحين بس يمكن عشان مش بيظهروا قدامك في التايم لاين كتير او بتشوفهم واخدين السيط “بطبيعه شغلهم” ممكن تعتبرهم جند مجهول.
السعي مبينتهيش، حتى بعد الوصول