احنا كبشر نتاج المجتمع

مهما كان الإنسان شخصيته قوية, في النهاية بيتأثر بشدة بالناس اللي حوليه خاصة لو بيقضي معاهم فترات طويلة من عمره وخاصة لو العلاقة معاهم امتدت لسنين طويلة.
وجهة نظر الإنسان للحياة ومبادئه وأولوياته مش ثوابت لا يمكن تغيرها. في الواقع كل الحاجات دي اللي تبان إنها ثابتة خاضعة للتغير وبتتأثر بشكل كبير بالناس اللي الواحد قريب منهم وبيقضي معاهم وقت طويل لأن الناس دي لهم تأثير كبير على الإنسان.
لما الواحد يشوف الناس اللي كان يعرفها من 10-155 سنة ويشوف تصرفاتها وأولوياتها وحتى طريقة تفكيرها دلوقتي, هيجد علاقة مباشرة بين الطريقة اللي الناس دي بقت عليها والناس اللي حوليهم خلال الفترة اللي فاتت.
يعني صعب تبقى عايش لمدة عشر سنين مع ناس بتحب المنظرة والفشخرة ولبس البرندات وتفضل في الآخر انسان متواضع وبسيط.
وصعب تبقى عايش لمدة عشر سنين مع ناس قاعدين يقارنوا حالهم مع اللي حواليهم ويقارنوا عيالهم بالعيال التانية وتبقى في الأخر إنسان قنوع وراضي باللي ربنا كتبهولك.
في النهاية, احنا كبشر نتاج المجتمع اللي احنا وافقنا نبقى جزء منه…