ما هو الـ Gamification؟

ما هو الـ Gamification؟

الـ Gamification هو استخدام فكر وعناصر ومكونات الالعاب …في سياق غير اللعب.
ليه الالعاب؟
اغلب الناس – ان لم يكن كلهم- بتحب الالعاب وعلي الرغم من اختلاف الفئات العمرية لكن كلهم بتلعب باستمرار “وفي كل الاوقات” وبتستمتع جدا بالموضوع ده ..لدرجة انه بيوصل مع بعض الناس لمرحلة انه بيصبح مدمن للعبة معينة، وممكن يبقي مدمن لاكثر من لعبة

فالفكرة كانت انك ازاي تفهم طريقة عمل الالعاب .. والعناصر اللي بتبقي في اي لعبة اللي بتخلي الناس تلعب اللعبة دي باستمرار وتسمتع بالموضوع وتوظف الموضوع ده في سياق غير اللعب  … لان الوضع الحالي ان اغلب الموظفين والعملاء مش متفاعلين مع شركاتهم او مع اغلب الـ Brands .. وحتي الـ Process اللي بتحصل في الـ Business بشكل عام مش ممتعة لاي حد … لكن لو عملت الموضوع علي شكل لعبة هاتحقق الهدف اللي انت عايزه .. وفي نفس الوقت الموضوع هايكون ممتع للناس اثناء ادائهم للموضوع ده

هو يعني ايه Game؟
لو قولنا تعريف بسيط جدا لكلمة Game فهي نظام فيه
– هدف معين تحققه
– قواعد واضحة للموضوع
– بيحصل فيها فيدباك فوري
– فرصة للفشل والمحاولة مرة اخري او اكتر من مرة
– مكان للعب
فمثلا  لعبة الطاولة “Backgammon” او الكوتشينة هتلاقي ان اللعبة بتم بين لاعبين “او اكثر” بيستخدموا حاجات معينة زي “الزهر والقطع البلاستيك” او “ورق الكوتشينة” بقواعد معينة “زي ان كل واحد بيلعب دور ويستني التاني يلعب دوره ..و احيانا بيبقي في بعض القواعد الخاصة المعروفة ليهم زي مثلا ان الشخص لو جاب رقم معين بالزهر والتاني قافل الحركة عليه ميلعبش ..او ان الـ 7 Heart او الجوكر بيلم الورق
والهدف ان الشخص يوصل القطع البلاستيك للجانب التاني من الطاولة او يكسب الشخص التاني في عدد الورق…
فدا يعتبر فكرة اللعب … نفس الكلام ممكن يطبق علي العاب زي Angry Brids او Candy Crush
اللي بيبقي ليها طريقة لعب معينة بقواعد معينة ..الطريقة والفكر اللي في الالعاب الحديثة دي بتخلي ملاين الناس تدمن الالعاب دي … فلو قدرت تاخد عناصر ومكونات اللعب تدخلهم في اي سياق بعيد عن اللعب ..هتكون النتيجة ان الناس هاتستمتع بالموضوع وهاتتحمس اكتر وهتطلع نتائج اعلي بكتير من اللي ممكن تطلعها في ظروف مملة.

فمفهوم الـ Gamification هو تطبيق طريقة التفكير والمفاهيم المستخدمة الالعاب في سياق غير اللعب
الـ Gamification ممكن تطبق في اي مجال Marketing, Sales, Education, HR او اي مجال تاني

ودا مثال توضيحي بين الموضوع بشكل واضح

دي صورة كمثال لاحد الالعاب .. ايه العناصر اللي موجودة في الصورة دي؟

الصورة دي فيها بعض العناصر زي
الـ level اللي انت فيه -مستوي الـ Progression ماشي ازاي – عدد الـ Points اللي انت بتجمعها – مكان الـ Resource Collection – صورة الـ Avatar – مكان للـ Quest – والـ Social Graph لاصدقائك اللي بيلعبوا معاك

نفس الفكر والمفاهيم دي استخدمها موقع خاصة بالصحة ..علشان يشجع الناس انهم يبقوا بيهتموا بصحتهم ويكتبوا دا “باستمرار علي الموقع .. وفي نفس الوقت يبقوا مستمتعين بالموضوع
فالموقع تقريبا طبق نفس الفكرة اللي كانت موجودة في اللعبة “والمثال ده طبقا حرفيا بنفس الطريقة” وعمل
Levels – Progression- Points – Avatar – Quest – Social Graph – وضاف عليهم كمان Rewards & Badges

وكانت النتائج بتاعه زيادة رهيبة جدا في استخدام الناس للموقع.

الـ Gamification ممكن تستخدم لحاجات كثيييرة جدا في البيزنس زي:
– زيادة التفاعل
– الحصول علي انتشار اكبر
– زيادة معدل ولاء العملاء/الموظفين
او اي هدف تاني انت عايز تحققه

الـ Gamification طريقة استخدمتها شركات كتيير جدا وكبيرة جدا زي مثلا:
Samsung – Microsoft – Nike – Dell – eBay – Cisco – Linkedin

 الـ Gamification ممكن ايضا تستخدم لتغير سلوك الاشخاص ..فمثلا موضوع انك تخلي العربيات تمشي علي الطريق بسرعة محددة .. ممكن تستخدم الشرطي يبقي هو اللي بيحكم الموضوع .. او انك تركب كاميرة رادار هي اللي بتراقب السرعات .. او انك تعمل الموضوع علي شكل لعبة فالناس هاتستمتع وفي نفس الوقت سلوكها هايتغير ..

في المثال ده الشخص عمل فكرة ان الرادار اللي بيحسب سرعة العربية وبيحسب عليهم المخالفات هايعرض السرعة اللي انت بتمشي بيها .. و الناس اللي بتلتزم بالسرعة المحددة هاتدخل سحب وممكن تكسب الفلوس اللي الناس اللي بتتخطي السرعة بتدفعها

في خلال 3 ايام ..عدت اكثر من 24,800 عربية من قدام الكاميرا
متوسط سرعة العربيات قبل التجربة كانت 32 كيلومتر في الساعة
ونزل المتوسط دا واصبحت سرعة العربيات اثناء التجربة 25 كيلومتر في الساعة.. يعني قلت 22%


ممكن تقرا امثلة اكثر من هنا

فالموضوع اصبح “كما ذكر كتاب For The Win
How to FINDING the FUN in the things that you HAVE to DO
ازاي تلاقي “او تصنع” متعة في اي حاجة انت لازم هاتعملها

 

Special Thanks to: Prof Kevin Werbach